تعاليلي
هاي الناس ماتعرف تلوليلي
تعاي الدنيا مو حلوه ارد اعيشن بيج
تهت،. وگصايبچ عنوان
مدري ليا درب زفيت روحي مجان
اثاري شما هوا يمرجحني يم اسمچ- يطيح انسان
اثاري الصوت هم ادمان
جرحيني…الصور تنشاف،لمن تجرح الحيطان
جيسيني- مثل ماجاسني الوهواس
جيسيني- العشگ ملعون،ماينشاف بس ينجاس
الغربة ارتاحت بروحي آو وطن ماكو
آحس بس انا وانتي ثنين- والباقين جنهم ناس
شربيني-
هذا الماي اذا ما ينشرب يعتگ
هذا الليل- بوشية سما والگمره شيبة راس
يمته مرايتچ تتوضه بعيوني
يمته الخذو غيبتنه- يسمعون الهلاهل من سبع بيبان
وامسح كل ذنب نايم عله متوني
يمته افرح ويفرحون اليحبوني
يمته نصير- مو نتمنى كون نصير
يمته ثنينه ثنينه بجنح الحلال نطير
وين الله وتفيض بوجهچ الونسه
ويزفونچ عليَ چلمه وتغني شفايفي الخرسة
يگلولي النهر ليغاد ،روح اشرب حلم مشيوف
وانه مخلوق حتى اشتاك- ماخلوق حتى انسه
شسوي ولونچ يمرلي- واخلي حچايتي تشبهچ
والمن لچ شكو مرايات بالدنيا، واطشنهن ضوه بوجهچ
بلكي هواي اشوفچ، تارسه امنيتي
بلكي منين ما ادورچ اشوفچ سالفة ابيتي
يمن لميتي عمري وطشريتي الراي
اريد ارتاح- جـذبت اعله روحي هواي
ردت اغفه ولكَيتچ صوت مو ويَاي
لاكَيني بدمع بعتاب. اشو مستبرده بملكَاي
حته الغيمه لو شبكَت الغيمه بشوكَ ينزل ماي
شينسيني- العشگ ذكرى
شـ يلمّوني، ويشوفونچ سوالف بيه متطشره
دورت التراب اعله الخذو طاريچ -
شفت الناس- كلمن ملتهي بكَبره
وآنه النيتي من احطهه ويه الشمس تغتاض- چيه تطلع شمس سمره
جيبيلي الهوه ارد اشهگ
شـ يحچّيني واگل للمايعرف يموت روح اعشگ
وانه متانيچ تحچيني
اريد انگال…
تعاي احچيني ،. اريد انگال….راح اعتگ
للشاعر: زياد البصراوي
هاي الناس ماتعرف تلوليلي
تعاي الدنيا مو حلوه ارد اعيشن بيج
تهت،. وگصايبچ عنوان
مدري ليا درب زفيت روحي مجان
اثاري شما هوا يمرجحني يم اسمچ- يطيح انسان
اثاري الصوت هم ادمان
جرحيني…الصور تنشاف،لمن تجرح الحيطان
جيسيني- مثل ماجاسني الوهواس
جيسيني- العشگ ملعون،ماينشاف بس ينجاس
الغربة ارتاحت بروحي آو وطن ماكو
آحس بس انا وانتي ثنين- والباقين جنهم ناس
شربيني-
هذا الماي اذا ما ينشرب يعتگ
هذا الليل- بوشية سما والگمره شيبة راس
يمته مرايتچ تتوضه بعيوني
يمته الخذو غيبتنه- يسمعون الهلاهل من سبع بيبان
وامسح كل ذنب نايم عله متوني
يمته افرح ويفرحون اليحبوني
يمته نصير- مو نتمنى كون نصير
يمته ثنينه ثنينه بجنح الحلال نطير
وين الله وتفيض بوجهچ الونسه
ويزفونچ عليَ چلمه وتغني شفايفي الخرسة
يگلولي النهر ليغاد ،روح اشرب حلم مشيوف
وانه مخلوق حتى اشتاك- ماخلوق حتى انسه
شسوي ولونچ يمرلي- واخلي حچايتي تشبهچ
والمن لچ شكو مرايات بالدنيا، واطشنهن ضوه بوجهچ
بلكي هواي اشوفچ، تارسه امنيتي
بلكي منين ما ادورچ اشوفچ سالفة ابيتي
يمن لميتي عمري وطشريتي الراي
اريد ارتاح- جـذبت اعله روحي هواي
ردت اغفه ولكَيتچ صوت مو ويَاي
لاكَيني بدمع بعتاب. اشو مستبرده بملكَاي
حته الغيمه لو شبكَت الغيمه بشوكَ ينزل ماي
شينسيني- العشگ ذكرى
شـ يلمّوني، ويشوفونچ سوالف بيه متطشره
دورت التراب اعله الخذو طاريچ -
شفت الناس- كلمن ملتهي بكَبره
وآنه النيتي من احطهه ويه الشمس تغتاض- چيه تطلع شمس سمره
جيبيلي الهوه ارد اشهگ
شـ يحچّيني واگل للمايعرف يموت روح اعشگ
وانه متانيچ تحچيني
اريد انگال…
تعاي احچيني ،. اريد انگال….راح اعتگ
للشاعر: زياد البصراوي
