تلاكينه غريب يحب غريب ومالهم ديره

[آهات حالمه]

(سما التسبيح)

تلاكينه غريب يحب غريب ومالهم ديره!!

وتواصينه اعله كل نيشان مايدري
منو يشوه تعابيره !

سولفنا سوالف ماحجيناهن مثلهم حيل ..
بريد عيون والساعي سفر غبشه اعله وجه الليل..

تذكر من بجينا هناك جم تابوت.. ؟
تذكر من كلتلك مانريد نموت؟
جا ليش النوارس من درت بينه
استحت يم الشواطي تفوت؟

علايم بالوجوه.. وصوتهم نيشان
رسايل ماقروهن من كتبنا الطيف
نگطه بگصة السجان..
مدام الله ضماير شوگ ليش يغرّب الانسان!
ليش نعيش ذكرى بذمة النسيان..
ليش من العطش ندعيك وانت بسجدتك نهران ؟

إشيلم عرشك زغيره الناس ما صليتها بخيرك
إشيلم الكاع لونامت نواطيرك ؟

أبتسم خل ترتوي الدنيا
ونرد للغيم كل كطره..
إعتلك مثل النجوم الوشمّت جم ليل
من انباكت الكمره..
اذا دربك متاع يريد
جاهوه الفقير بيا بچي ايعبره ؟

بسما التسبيح
طشينه الذمم صوغه اعله جنحانك !
إحترك مثلي اعله حزن الناس سبحانك !

العشك عشكك گبل لانعرف الشبگه
الوطن ضحكه عله شفافك
گبل لايبتسم جبريل ونصدگه

درت وجهي ودريت بصفنتك حيره !

وتلاگينه غريب يحب غريب ومالهم ديره...








وسام سباهي ​

 

[صوُتْ آنثوّيْ]

رد: تلاكينه غريب يحب غريب ومالهم ديره

مجهود قيم
وطرح مميز
كل الشكر لك

 

[آهات حالمه]

رد: تلاكينه غريب يحب غريب ومالهم ديره

شكرا للمرور العطر
تحيتي والتقدير​

​

 

[قيصر الحب]

رد: تلاكينه غريب يحب غريب ومالهم ديره

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[آهات حالمه]

رد: تلاكينه غريب يحب غريب ومالهم ديره

اسعدني وشرفي المرور العطر
تقديري