ابو مناف البصري
المالكي
اكو اخوان اثنين
واحد منهم على المضيف وعلى الخطار وعلى مچان ابوه
والثاني يكد ويجيب يحط بيد اخوه
وناس الله ساترهم ومچانهم منطور وعايشين على تاكلة الله ..
بيوم من الايام الاخو الچبير كاعد يصلي وكام يدعي ويكول
اشكرك يارب العالمين ..لبنه نظيف آنه واخيي ..آنه ساد ثنيته وناطر مچان ابوي وهو يتعب ويكد علينه وعلى عوايلنه ومحترم خوتنا ومقدرها
مرت اخوه الزغير تسمعه
گالته خويه ادعيلي وياك
مارد عليها خلص صلاته والتفت الها
كلها خويه شدعيلج ؟!
كالت -موش لبنكم النظيف لبنه
كالها -هاا شلون هذا اخوي وحزام ظهري
كالتله لاء هسه كون احنه تخاربنه انه وياك تخرب خوتكم
كالها ماكو هيج حجي كلامج هذا باطل مانخرب
جاوبته خويه بكيفك تريد تبيت الرهن وتشوف شلوون ؟
كالها -عز الله على رهنج وارد اشوف اشلوون ...
بعد مده فاتت على هذا الحجي والاخو راعي المضيف نسى السالفة
اجاهم خطار وذبحو ذبيحة ومكابلينه ابنه وابن اخوه
طلع ال چلاوي وانطاهم كل واحد وحده..وكلهم بويه اشووهن الكم ..
مرت اخوه تتفكر الهم وضمتها بكلبها ..
للعصر اجه رجلها من الشغل وجابتله عشا لحم بس وجها مايكصه السيف ومكدره
كالها رجلها الاخو الزغير
-هاا شني
كلتله انضفنا اليوم
كالها شو وجهج مغيم
كالتله -والله اخوك
كالها شبيه اخوي ؟
كالتله اخوك اكعدو يمه وليدنا وابنه !
وانطه ابنه الچلوة وانطه ابنك الچليوه!
(هنه نفس الشي بس هنا تكبر وهنا تصغر )
كلها -شلوون
كالت مثل ماكتلك انت تشتغل وتتعب وينطي ابنك الچليوه ؟
نكت ايده من الاكل وكلها
-لمي غراضج اليوووم نشيل مانظل
كلتله هسه غير تشوف اخوك تفتهم منه
كلها ماكو بعد ماابقى يبدي ابنه على وليدي !
كلتله زين احنه بهالليل وين نروح ؟
غير نوچدلنه عرب نحط يمهم ناس كواكه
ماكو مانفع الحچي
ووصل الخبر لخوه واجه كطع عليه
وحجه وياه وكله
خويه هذا زماط بيني وبين مرتك وطلع عدها حك
وصدك النسوان تكدر تخرب الخوه وتبعدنا
الا ذيج من ذيج بنت الحمولة واصلها طاهر ..
وهنه لو تصافن يصفى اكبر بيت
واكبر بيت يخرب بخبطتهن
وابن امك لاينسى من يصلي خل يدعيلي وياه
#نوال_جويد
واحد منهم على المضيف وعلى الخطار وعلى مچان ابوه
والثاني يكد ويجيب يحط بيد اخوه
وناس الله ساترهم ومچانهم منطور وعايشين على تاكلة الله ..
بيوم من الايام الاخو الچبير كاعد يصلي وكام يدعي ويكول
اشكرك يارب العالمين ..لبنه نظيف آنه واخيي ..آنه ساد ثنيته وناطر مچان ابوي وهو يتعب ويكد علينه وعلى عوايلنه ومحترم خوتنا ومقدرها
مرت اخوه الزغير تسمعه
گالته خويه ادعيلي وياك
مارد عليها خلص صلاته والتفت الها
كلها خويه شدعيلج ؟!
كالت -موش لبنكم النظيف لبنه
كالها -هاا شلون هذا اخوي وحزام ظهري
كالتله لاء هسه كون احنه تخاربنه انه وياك تخرب خوتكم
كالها ماكو هيج حجي كلامج هذا باطل مانخرب
جاوبته خويه بكيفك تريد تبيت الرهن وتشوف شلوون ؟
كالها -عز الله على رهنج وارد اشوف اشلوون ...
بعد مده فاتت على هذا الحجي والاخو راعي المضيف نسى السالفة
اجاهم خطار وذبحو ذبيحة ومكابلينه ابنه وابن اخوه
طلع ال چلاوي وانطاهم كل واحد وحده..وكلهم بويه اشووهن الكم ..
مرت اخوه تتفكر الهم وضمتها بكلبها ..
للعصر اجه رجلها من الشغل وجابتله عشا لحم بس وجها مايكصه السيف ومكدره
كالها رجلها الاخو الزغير
-هاا شني
كلتله انضفنا اليوم
كالها شو وجهج مغيم
كالتله -والله اخوك
كالها شبيه اخوي ؟
كالتله اخوك اكعدو يمه وليدنا وابنه !
وانطه ابنه الچلوة وانطه ابنك الچليوه!
(هنه نفس الشي بس هنا تكبر وهنا تصغر )
كلها -شلوون
كالت مثل ماكتلك انت تشتغل وتتعب وينطي ابنك الچليوه ؟
نكت ايده من الاكل وكلها
-لمي غراضج اليوووم نشيل مانظل
كلتله هسه غير تشوف اخوك تفتهم منه
كلها ماكو بعد ماابقى يبدي ابنه على وليدي !
كلتله زين احنه بهالليل وين نروح ؟
غير نوچدلنه عرب نحط يمهم ناس كواكه
ماكو مانفع الحچي
ووصل الخبر لخوه واجه كطع عليه
وحجه وياه وكله
خويه هذا زماط بيني وبين مرتك وطلع عدها حك
وصدك النسوان تكدر تخرب الخوه وتبعدنا
الا ذيج من ذيج بنت الحمولة واصلها طاهر ..
وهنه لو تصافن يصفى اكبر بيت
واكبر بيت يخرب بخبطتهن
وابن امك لاينسى من يصلي خل يدعيلي وياه
#نوال_جويد