اعجبتني
بالخمسينات وفي احد احياء بغداد القديمه
اكو تاجر اسمه (حجي حمزة) طلع الصبح رايح على باب الله طلعت وراه الحجيه رشت طاسة المي كعادة نسوان قبل وكالتله حجي دهن حر ماعدنه مخلصين ،،
كالها ادللي حجيه من هاي العين قبل هاي العين
من اوصل للمحل اوديلچ حمودي الصانع تنطينه الجدريه الصفر الچبيره ياخذها للدهان بالشورجه ويجيبلچ بيها حگه دهن,,
وبأثناء سالفة حجي حمزه والحجيه اكو واحد نصاب(56) يمشي بالدربونه سمع كل الكلام
وره ربع ساعه رجع النصاب ودك الباب من وره الباب كاللها حجيه دزني عمي يكول خل تطيك الجدر الصفر حتى اجيبلكم دهن حر
طلعتله الجدر الصفر وخلته وره البرده مال الباب ،،
اخذه النصاب وراح لبو الدهن الحر بالشورجه وكاله حجي حمزه يسلم عليك يكول خل يحط حكتين دهن حر من النوعيه الزينه ،،ابو الدهن يعرف جدر حجي حمزه
كاله تدلل انت والحجي ،،
حطله حكتين دهن وخذهن وراح ،،
وره نص ساعه اجه حمودي الصانع دك الباب صاحت الحجية منو ؟
كالها حجيه اني حمودي الصانع دزني عمي عالجدر الصفر ،،
كالتله حمودي هاي شبيك مو قبل شويه اجيت اخذته ،،
كالها لاعمه اني اول مره اجي ،،
كالتله لعد منو اجه؟ كالها مادري ..
رجع حمودي للمحل وسولف للحجي ،،
الحجي راح للشورجه على ابو الدهن الحر كاله اجاني واحد وجاب جدركم الصفر ونطيته حكتين دهن وراح ،،
الحجي دفع الفلوس وتوكل على الله ورجع للبيت ،،
وره اسبوعين الساعه بالعشره الصبح اجه واحد دك الباب صاحت الحجيه منو ؟
كالها ابشرچ حجيه الحرامي الباك جدركم والدهن لزموه الشرطه وعترف وبلغوا الحجي يروح للمركز يسجل دعوه عالحرامي والحجي يريد عباته الزينه الچاسبي حتى يروح للمركز ،،
والحجيه فرحت بالخبر ولفت العبايه وخلت بنصها دينار ونطتهياه وكالتله حطيتلك دينار بالعبايه بشاره
لان هاي الجدر عزيز عندي نطتنياه امي الله يرحمها من زوجت حجي حمزه ،،
اجه العصر الحجي من المحل تلكته الحجية فرحانه ومبتسمه ،،
بس استغربت الحجي مالابس العبايه الجاسبي ،،
سألته الحجية حجي عباتك وين كالها ياعبايه؟ كالتله عباتك الجاسبي مو دزيت واحد عليها حتى تلبسها وتروح لمركز الشرطه لأن كامشين الحرامي واني نطيتها إله ،،ردعليها الحجي ،،
كالها (ابشرچ حجيه ،،،العبايه راحت وره الجدريه) ،،
هسه احنه لاجدرنا ولاعباتنا ولادينارنا
راح نور زهير والفليسات وما لزموا الحرامي
بالخمسينات وفي احد احياء بغداد القديمه
اكو تاجر اسمه (حجي حمزة) طلع الصبح رايح على باب الله طلعت وراه الحجيه رشت طاسة المي كعادة نسوان قبل وكالتله حجي دهن حر ماعدنه مخلصين ،،
كالها ادللي حجيه من هاي العين قبل هاي العين
من اوصل للمحل اوديلچ حمودي الصانع تنطينه الجدريه الصفر الچبيره ياخذها للدهان بالشورجه ويجيبلچ بيها حگه دهن,,
وبأثناء سالفة حجي حمزه والحجيه اكو واحد نصاب(56) يمشي بالدربونه سمع كل الكلام
وره ربع ساعه رجع النصاب ودك الباب من وره الباب كاللها حجيه دزني عمي يكول خل تطيك الجدر الصفر حتى اجيبلكم دهن حر
طلعتله الجدر الصفر وخلته وره البرده مال الباب ،،
اخذه النصاب وراح لبو الدهن الحر بالشورجه وكاله حجي حمزه يسلم عليك يكول خل يحط حكتين دهن حر من النوعيه الزينه ،،ابو الدهن يعرف جدر حجي حمزه
كاله تدلل انت والحجي ،،
حطله حكتين دهن وخذهن وراح ،،
وره نص ساعه اجه حمودي الصانع دك الباب صاحت الحجية منو ؟
كالها حجيه اني حمودي الصانع دزني عمي عالجدر الصفر ،،
كالتله حمودي هاي شبيك مو قبل شويه اجيت اخذته ،،
كالها لاعمه اني اول مره اجي ،،
كالتله لعد منو اجه؟ كالها مادري ..
رجع حمودي للمحل وسولف للحجي ،،
الحجي راح للشورجه على ابو الدهن الحر كاله اجاني واحد وجاب جدركم الصفر ونطيته حكتين دهن وراح ،،
الحجي دفع الفلوس وتوكل على الله ورجع للبيت ،،
وره اسبوعين الساعه بالعشره الصبح اجه واحد دك الباب صاحت الحجيه منو ؟
كالها ابشرچ حجيه الحرامي الباك جدركم والدهن لزموه الشرطه وعترف وبلغوا الحجي يروح للمركز يسجل دعوه عالحرامي والحجي يريد عباته الزينه الچاسبي حتى يروح للمركز ،،
والحجيه فرحت بالخبر ولفت العبايه وخلت بنصها دينار ونطتهياه وكالتله حطيتلك دينار بالعبايه بشاره
لان هاي الجدر عزيز عندي نطتنياه امي الله يرحمها من زوجت حجي حمزه ،،
اجه العصر الحجي من المحل تلكته الحجية فرحانه ومبتسمه ،،
بس استغربت الحجي مالابس العبايه الجاسبي ،،
سألته الحجية حجي عباتك وين كالها ياعبايه؟ كالتله عباتك الجاسبي مو دزيت واحد عليها حتى تلبسها وتروح لمركز الشرطه لأن كامشين الحرامي واني نطيتها إله ،،ردعليها الحجي ،،
كالها (ابشرچ حجيه ،،،العبايه راحت وره الجدريه) ،،
هسه احنه لاجدرنا ولاعباتنا ولادينارنا
راح نور زهير والفليسات وما لزموا الحرامي
