حلم مبيوگ..

[العـ عقيل ـراقي]

آه يا عشگ الفراگ​

ومخاوي الليل گلبي​

ويعرف النجم​

الملثم..​

يدگ اشراع​

صفنه​

فوگ اشراع​

والمجاذيف تفوج​

بدم..​

مغرورة سمه​

روحي​

تشوفك اهلالها​

وواهسها بيك​

تحلم..​

تحط عله محجر​

امس​

شهگت ليل متعوب​

ونهر خايف​

بتيهت بلم..​

گلي وياك شنطر​

زلف الشوگ​

تفضه​

الفضه​

لو گذلتك محنيها​

چف غيري​

ومتوزم​

كلها ادور اعيونهن​

على خصر أيامي يا حلمها​

وانتَ بلا راي​

تحرگ بروحي​

حرگ النار​

للمحتام​

طشرها عله كيفك​

وبس تضحك​

لوحدها الك تشتاگ​

روحي​

وتلتم​

اجيك تارس اشليلي​

بوسات وسوالف​

يغفه بيها سهيل​

ويتبختر عله اهلالهم​

نجم​

جبتلك فرح روحي​

مشبگ جنح الفخاتي​

التاه فوق اشبيبج أمس​

وغصه بشوگه​

ونام​

شسولفلك​

جانت امي غيمة صيف​

تلف بچرغدها​

كهوة وريحة هيل​

وتشم بگفاها نعناع​

وللفجر أنسام​

تظل لياليها بگلبي​

سفر ايوب​

والرايات والزوار​

وتشد الحيل​

للمشاية​

الف احزام​

حلم مبيوگ​

توالي الليل شيرده​

واتيه بلچعة إگليبي​

مگرود إگليبي​

عله أمي​

وملچوم..​

​

​

15/11/2022​

العـ عقيل ـراقي​

​

​

​

​

 

[قلائد الياسمين]

شسولفلك
والسوالف مع هلحجي ... يسكت

لقلبك السلام و الاطمئنان عقيل العراق

 

[عبد الرحمن]

شكرا على النقل
القيم سلمت يمينك