( حولي وين اولي )
من چنت صغير چنت خوش العب دعابل وچنت محترف باللعب ومحد يگدرلي..
وماخذ جهال المنطقه حاصل فاصل ماالعب ويه واحد اذا ما أچسيه وأكنس جيوبه كنس , ماأخلي عنده ولا دعبله..
چنت يوميه أطلع الصبح أخذلي گشه على الجهال أفرهدهم وأرجع للبيت منتعش محُمل بالدعابل..
بحيث وصلت بيه فتره من الفترات جيوبي متستوعب كمية الدعابل اللي أربحها , لان متروسه لعينها وأگوم أمشي وجيوبي تخرخش..
فگمت أخلي دعابلي بقوطيه مال حليب نيدو چبيره..
بس چنت أنقهر على واحد من الجهال أسمه (حسن) هذا محد يلعبه , لان خطيه چان (أحول) فكل ميروح لواحد يگله خل نلعب يگله روح لك (حولي وين أولي) وكل الجهال ناصبين عليه ويصيحوله حولي وين أولي , بس أني چنت أنقهر عليه حيل وأسميه (حسوني)..
وأگول للجهال لتقلدون عليه خطيه وأدافعله يوميه وأگله ميخالف حسوني لتدير بال..
المهم ..بيوم من الأيام شفته يتوسل بالجهال ويگلهم لعبوني وياكم , وهم يضحكون عليه ويگلوله أمشي لك حولي وين أولي منلعبك..
أني أنقهرت عليه , وگلتلهم عيب عليكم تسوون هيچ..
وگلتله تعال أني العب وياك ..
لعبنه أني وياه (طنب)
أني سويت نفسي مااعرف العب , حتى يغلبني خطيه , ولعبت وياه شلون مچان ..
هو ضرب أول ضربه , أشو جابها بالمكان..وصاح طنببببب!!
أني تفاجأت.. وگلتله عفيه حسوني خوش تلعب وكيفتله ..
گال : نلعب داس ثاني? .. گلتله : يله ..
بس شويه لعبت وياه أقوى من المره الأولى ..
أشو هذا گام ينيشن ويچقل عيونه , أني عبالي يباوع عليه بس هو طلع يباوع على الدعابل , ويضرب ويجيبها بالسنتر وصاح طنب ..
أني صارت عندي ضوجه قليله مصحوبه بحرگان گلب مع خوف من القادم!!
لان الجهال گاموا يضحكون عليه وهذا اذا بقى يغلبني عيب گدام العالم , تروح هيبتي الدعابليه اللي بانيها من سنين..
يعني كل هاي الأمجاد اللي سويتها تروح بشربة مي على أيد أحول هاي كارثه!!
شديت حيلي كلش وطلعت كل مهاراتي الدعبوليه , وبقيت ألعب وياه , والجهال التموا داير مدايرنه وعافوا كل اللي بيدهم من لعبات طنب ..ونگر.. وأرط.. وأجوي يتفرجون على هذا الحدث التاريخي , وصارت مو لعبة طنب صار مهرجان..
ماأگلكم ولا تگلولي أخذني الأحول فلاحة ملاچه , گعدني على الحديده!!
گمت أباوع على قوطيتي وأشوفها فرغت من بعد ما چانت تزهو بالدعابل ..والجهال گامو يضحكون عليه..
أني گمت أفووور لان إنهارت إمبراطوريتي الدعبوليه بلحظه طيش مني بلعبي ويه حسوني الأحول ..
أخر شي إحترگ گلبي .. صحت عليه ولك حوووولي وين أولي , رجعلي دعابلي لا أبو أبوك أصمطه ..
هو أخذ الدعابل وإنهزم ..
وأني أخذت قوطيتي النيدو الفارغه ورجعت للبيت أبچي ..
وثاني يوم , گمت ياهو اللي أروحله من الجهال وأگله نلعب يگلي.. دررروح لك لو بيك خير چان غلبت حولي وين أولي!!
صدگ لو گالوا.. إتق شر من أحسنت إليه..
ولا تسوي خير شر مايجيك..
وراحت دعابلك يا صابر .
منو صايره بي هاي الحاله .. للعلم اني جدا من هواة هاي اللعبه .. يعني مو بس الولد يلعبوها البنات هم .. ولا زلت احتفظ بكثير من الدعابل وبمختلف الاحجام
دمتم بود
من چنت صغير چنت خوش العب دعابل وچنت محترف باللعب ومحد يگدرلي..
وماخذ جهال المنطقه حاصل فاصل ماالعب ويه واحد اذا ما أچسيه وأكنس جيوبه كنس , ماأخلي عنده ولا دعبله..
چنت يوميه أطلع الصبح أخذلي گشه على الجهال أفرهدهم وأرجع للبيت منتعش محُمل بالدعابل..
بحيث وصلت بيه فتره من الفترات جيوبي متستوعب كمية الدعابل اللي أربحها , لان متروسه لعينها وأگوم أمشي وجيوبي تخرخش..
فگمت أخلي دعابلي بقوطيه مال حليب نيدو چبيره..
بس چنت أنقهر على واحد من الجهال أسمه (حسن) هذا محد يلعبه , لان خطيه چان (أحول) فكل ميروح لواحد يگله خل نلعب يگله روح لك (حولي وين أولي) وكل الجهال ناصبين عليه ويصيحوله حولي وين أولي , بس أني چنت أنقهر عليه حيل وأسميه (حسوني)..
وأگول للجهال لتقلدون عليه خطيه وأدافعله يوميه وأگله ميخالف حسوني لتدير بال..
المهم ..بيوم من الأيام شفته يتوسل بالجهال ويگلهم لعبوني وياكم , وهم يضحكون عليه ويگلوله أمشي لك حولي وين أولي منلعبك..
أني أنقهرت عليه , وگلتلهم عيب عليكم تسوون هيچ..
وگلتله تعال أني العب وياك ..
لعبنه أني وياه (طنب)
أني سويت نفسي مااعرف العب , حتى يغلبني خطيه , ولعبت وياه شلون مچان ..
هو ضرب أول ضربه , أشو جابها بالمكان..وصاح طنببببب!!
أني تفاجأت.. وگلتله عفيه حسوني خوش تلعب وكيفتله ..
گال : نلعب داس ثاني? .. گلتله : يله ..
بس شويه لعبت وياه أقوى من المره الأولى ..
أشو هذا گام ينيشن ويچقل عيونه , أني عبالي يباوع عليه بس هو طلع يباوع على الدعابل , ويضرب ويجيبها بالسنتر وصاح طنب ..
أني صارت عندي ضوجه قليله مصحوبه بحرگان گلب مع خوف من القادم!!
لان الجهال گاموا يضحكون عليه وهذا اذا بقى يغلبني عيب گدام العالم , تروح هيبتي الدعابليه اللي بانيها من سنين..
يعني كل هاي الأمجاد اللي سويتها تروح بشربة مي على أيد أحول هاي كارثه!!
شديت حيلي كلش وطلعت كل مهاراتي الدعبوليه , وبقيت ألعب وياه , والجهال التموا داير مدايرنه وعافوا كل اللي بيدهم من لعبات طنب ..ونگر.. وأرط.. وأجوي يتفرجون على هذا الحدث التاريخي , وصارت مو لعبة طنب صار مهرجان..
ماأگلكم ولا تگلولي أخذني الأحول فلاحة ملاچه , گعدني على الحديده!!
گمت أباوع على قوطيتي وأشوفها فرغت من بعد ما چانت تزهو بالدعابل ..والجهال گامو يضحكون عليه..
أني گمت أفووور لان إنهارت إمبراطوريتي الدعبوليه بلحظه طيش مني بلعبي ويه حسوني الأحول ..
أخر شي إحترگ گلبي .. صحت عليه ولك حوووولي وين أولي , رجعلي دعابلي لا أبو أبوك أصمطه ..
هو أخذ الدعابل وإنهزم ..
وأني أخذت قوطيتي النيدو الفارغه ورجعت للبيت أبچي ..
وثاني يوم , گمت ياهو اللي أروحله من الجهال وأگله نلعب يگلي.. دررروح لك لو بيك خير چان غلبت حولي وين أولي!!
صدگ لو گالوا.. إتق شر من أحسنت إليه..
ولا تسوي خير شر مايجيك..
وراحت دعابلك يا صابر .
منو صايره بي هاي الحاله .. للعلم اني جدا من هواة هاي اللعبه .. يعني مو بس الولد يلعبوها البنات هم .. ولا زلت احتفظ بكثير من الدعابل وبمختلف الاحجام
دمتم بود
