خاف ماتدري الشمس باگو سترها
يمشي
وي عينة
يدلّيها اعل عينة
وهي تتلها جذب بعناد دربة وتبجي يمّة.
اطّيح
گطرات القهر ترسملة دمعة
وهو يرسم من حبر دمّة المطر ويگول نعمة.
چان حاسب ايدة تتلگة الوطن
بس كصّروها
تالي ما تالي المصافح غشمة مسامر حزب ما يعرف اسمة
وين تحرگ وجهك وتفضح ملامح غنوة الباعو وطنهم.
من يصيحك فيّك اسكت
خاف ماتدري الشمس باگو سترها .
خاف بعدك
تسمع التاريخ بجفوف الزغار وتشكي منهم
خاف اگلك انت منهم
وتزعل من الله وتسمّي الدنيا بيهم
لا تسولف گد فرحهم
تتعبلهم .
احجي وي عينك
تعرفك
مو حرامي أحلام حلوة.
عباس الغالبي
.gif)
