خطبوني غصب ولغيرك انزفيت
وحفرو كبري لمن عقدو القراءن
وحفرو كبري لمن عقدو القراءن
جبروني وصرخت احضرني يالعباس
انه وحيده وعكَلهم ترست الديوان
انه وحيده وعكَلهم ترست الديوان
طش مستقبلي من طشوا الجكليت
وركبه ونص كَعد كل جرح نايم جان
وركبه ونص كَعد كل جرح نايم جان
حتى المايشور علك بي شديت
طب لاي حضره تلكه اسمك على البيبان
طب لاي حضره تلكه اسمك على البيبان
كرف شعر التراب وياه من امشيت
مديون وتمشه بديرت الديان
مديون وتمشه بديرت الديان
جني تيسرت ما جني انا انزفيت
اليشمني يكول فكدت بالحرب خوان
اليشمني يكول فكدت بالحرب خوان
غص بالحلقه اصبعي وما برد ملكاي
انا حرورت رصاصه بتفكَه المعدان
انا حرورت رصاصه بتفكَه المعدان
من احل شعري على متني اكَطع رزق عاشور
سواد البالشعر ما لمحته النسوان
سواد البالشعر ما لمحته النسوان
من اسير عالنخل حسبالهم جمار
ويبلع ريجه كل عصفور بالبستان
ويبلع ريجه كل عصفور بالبستان
هلي شدوا عبرتي بجربت المهضوم
البصدره عطش فلاح للكيعان
البصدره عطش فلاح للكيعان
وجهك ديرتي ومن شوفوني اكَفاك
قصر صليت لمن كبر الاذان
قصر صليت لمن كبر الاذان
الربه بكوخ الكَصب لازم قبلته الهور
يعيد لون يشتم ريحة الرعيان
يعيد لون يشتم ريحة الرعيان
ومو شرط العطش يرتوي بحسوة ماي
من الماي تيبس رية الغركان
من الماي تيبس رية الغركان
عليله وجنحي مو كَد خزره الصياد
وشرجيه هلي حطتني بالنيشان
وشرجيه هلي حطتني بالنيشان
بشيبة جنحك استعجل يملك الموت
حمامه زينه انه يزفونها السجان
حمامه زينه انه يزفونها السجان
يا رخص الجنازه التنترك بالبيت
تنمل من تضل امرافكه الريكان
تنمل من تضل امرافكه الريكان
يا درب النجف سرفن اتراب الكاع
عروس الجايتك يم علي اتريد امجان
عروس الجايتك يم علي اتريد امجان
لتغسلوني خاف اثار ولفي تطيح
تره البرزخ يقدر شبكه الولهان
تره البرزخ يقدر شبكه الولهان
محسبه حسابي لا خلف الله عالجناز
ابدلتي مجفنه ما تعب الدفان
ابدلتي مجفنه ما تعب الدفان
باعوني برخص وذكرني يالمحبوب
اذا باعوا كبالك كحل للعميان
اذا باعوا كبالك كحل للعميان
يولفي الكبر بارد دفو احضانك وين .؟
تره يبجي اللحد من ينشغل بردان
تره يبجي اللحد من ينشغل بردان
ما انساك لا وبرودة السرداب
لو حطو اعظامي بسفره الغربان
لو حطو اعظامي بسفره الغربان
ومن اتزورني أمن . ما تتيه لا
عطر شبكاتنه اتدليك بالعنوان
عطر شبكاتنه اتدليك بالعنوان
....
رفعت الصافي
....
رفعت الصافي
....
