عند جوكة فلح بسموم تموز
عفت روحك تذريها المراويح
تلم حبات صارن قسمة الطير
وتعوف اصباب حبك بالمساطيح
تناطر صيف وكتك يجمع غيوم
مثل جندي اليتاني يوم تسريح
تسركَـ باب بيتك بالقفل ليش
عند حايف تودعها المفاتيح
تريد اوهام تبنيلك عمارات
على ارمال الشواطي وتاخذ الريح
رواديدك شلع ما وفت اوياك
خذتهم وين هوسات الشواليح
خلص عمرك تهزن بالشبابيج
وتريد اليوم إيد تهز مراجيح
حلم عمرك رشن ولماي صيهود
لهب كَيظك لفح صبر الفلاليح
بداهه الكَاع تحمل غرسة الايد
ويصح بيه نشوف الشوك والشيح
تبخر فيض جرفك يبس الكَاع
حلم دايات زرعك تغركَـ بسيح
سرايا جنود صبرك حافن الليل
وجه طرة الفجر ردن مجاريح
نغم هيوه وهجع للناس غنيت
يغنولك حزن نغمة تواشيح
تسهر عين ناسك خاطر تنام
تطفي الليل بعيون المصابيح
ورا جنازة عدوك تذرف دموم
على مصابك تهل دمع التماسيح
شهر رمضان مرك بعته لبليس
بشهر شوال وصلي التراويح
بساعات التهجد تلعب قمار
رجف شفتك توهمني تسابيح
تباصر ريح يومك كَرب شتاك
صروحك لو بنيت بغير تسليح
اذا مونة اساسك خالطت زيف
ابد صرح البنيته يميل ويطيح
سفينه الماتصل بر السلامات
قديمه لو كَلت كثروا ملاليح
عفت روحك تذريها المراويح
تلم حبات صارن قسمة الطير
وتعوف اصباب حبك بالمساطيح
تناطر صيف وكتك يجمع غيوم
مثل جندي اليتاني يوم تسريح
تسركَـ باب بيتك بالقفل ليش
عند حايف تودعها المفاتيح
تريد اوهام تبنيلك عمارات
على ارمال الشواطي وتاخذ الريح
رواديدك شلع ما وفت اوياك
خذتهم وين هوسات الشواليح
خلص عمرك تهزن بالشبابيج
وتريد اليوم إيد تهز مراجيح
حلم عمرك رشن ولماي صيهود
لهب كَيظك لفح صبر الفلاليح
بداهه الكَاع تحمل غرسة الايد
ويصح بيه نشوف الشوك والشيح
تبخر فيض جرفك يبس الكَاع
حلم دايات زرعك تغركَـ بسيح
سرايا جنود صبرك حافن الليل
وجه طرة الفجر ردن مجاريح
نغم هيوه وهجع للناس غنيت
يغنولك حزن نغمة تواشيح
تسهر عين ناسك خاطر تنام
تطفي الليل بعيون المصابيح
ورا جنازة عدوك تذرف دموم
على مصابك تهل دمع التماسيح
شهر رمضان مرك بعته لبليس
بشهر شوال وصلي التراويح
بساعات التهجد تلعب قمار
رجف شفتك توهمني تسابيح
تباصر ريح يومك كَرب شتاك
صروحك لو بنيت بغير تسليح
اذا مونة اساسك خالطت زيف
ابد صرح البنيته يميل ويطيح
سفينه الماتصل بر السلامات
قديمه لو كَلت كثروا ملاليح
