صدكني ما محتاج الك ولاني تراني ابعازتك
لو ازحف على اركبي زحف ما انظر العكازتك
من الزغر علموني هلي لاتطلب المو مالتك
خلك عزيز النفس بيها تحقق غايتك
ولو ردت تزرع ورد ابديها من ولايتك
اومن تحجي خل الصخر يفتهم معنا احجايتك
دور على غالي الثمن وترس بطن علاكتك
ابجلومود لو بالصخر لو ردت تشتل ثايتك
او رايتك خلها ابجبل بالناصي لتحط رايتك
ولايهمك السامك رخص شوف السعر بمرايتك
وكت العرض والطلب اتعرفك ترى شرايتك
افلست يالبعت ابرخص بالرمل طاحت فالتك
اربحت بس الفشل للملمه اوشيله ابصايتك
بقلمي
خلدون الانباري
التعديل الأخير بواسطة المشرف:
