|| دآرْمِيّــآت || لِـ آلــوَطَــنِ

[ذوق]

دارميات
للوطن ألجريح
...................
شهداء الوطن
كل سنه بهذا اليوم يمنه تسيرون
بعده الوطن ما طاب خافن تنشدون

صرتوا بدربنه اشموع بالظلمة تضوون
وعلمتوا كلهه الناس طبع الوفه اشلون

وصيه
كلما تمر ذكراك ارجع البيتك
الوطن لا تنسوه جانت وصيتك

الوطن ما ننساه ولا ننسه اسمنه
لابد يجينه يوم نحقق حلمنه

الوطن لا تنسوه يالغبتو عنه
بعده حزنه امجيم بديار اهلنه

صمود
اصبر واشد الجروح وانزف فلا اطيح
حتى الوطن لا يضيع وي عاصف الريح

تساؤل
اكعد يبعد الروح شوف اشجرالي
مدري ابجي عله بغداد مدري اعله حالي

حقد
يردونك الشمات غارك بالهموم
صدكني مرعوبين من صحوة اليوم

لقاء بعد25سنة مع امي
من امي ما حسيت طعم الملاكه
كالتلي الامريكان صارولي ساده

كلتلهه يمه تهون مده ويولون
كالتلي والعباس ماظنتي يمشون

خيبه
وي اهلي ما حسيت لهفه للعناك
حلمي وحلمهم جان مو هذا العراك

شكوى
المن بعد اشكيله همي ومصابي
والي اشتكيلة صار هو عذابي

حيره
ريبه وكثر وهواس والحيره زادت
بين الكلت والكال وادمنه تاهت

استغاثة
هذا العراق يصيح وين النشامه
ذلوني هاي اسنين كافي المهانه

انهنت وانذليت محد فزعلي
تاليهه ناس اجناب هي الخذتني

امنيه
يمته حزنه يزول وتزول الهموم
ويمته كمرنه يعود ونزفله النجوم
.........................
نحبك ياعراق
​

 

[رومانسي بس منسي]

رد: || دآرْمِيّــآت || لِـ آلــوَطَــنِ

عاشت الايادي ورده


كلمات روعه

تحياتي لك

 

[ذوق]

رد: || دآرْمِيّــآت || لِـ آلــوَطَــنِ

رومَـنْـسي

أهلاً بِـ حُضوركِ يَ عبِقْ
دآمتْ أفرآحُك​

 

[عاشق الصمت]

رد: || دآرْمِيّــآت || لِـ آلــوَطَــنِ

امنيه
يمته حزنه يزول وتزول الهموم
ويمته كمرنه يعود ونزفله النجوم
​

ريحآنه

شكرا لهذا الانتقاء الرااائع

سَلم ذوقكِ الراقي في الاختيااار


سلامي​

 

[ذوق]

رد: || دآرْمِيّــآت || لِـ آلــوَطَــنِ

عـآشِقْ

شُكراً لِـ مُروركَ آلمُضِيء
كُن بِـ آلقُربِ​

 

[מـلـ♥ـڪ ألـבـ♥ـب ألـמـ♥ـدريـدي]

رد: || دآرْمِيّــآت || لِـ آلــوَطَــنِ

آه يا عرآق تغيرت مواضيعك من فرح لحزن من صمود لخيبه من ولاده لاستشهاد من بناء لخراب

ادعو الباري عز وجل ان يحميك وابنائك من كل شر

ممتن لك لروعه انتقائكِ اختي الكريمه


احسنتِ ايتها المبدعه

تحيتي لشخصكِ الكريم

 

[ذوق]

رد: || دآرْمِيّــآت || لِـ آلــوَطَــنِ

يَ هلآ بـِ الفآضِل


أشرَقتْ و أنوَرتْ بگ صفْحَتي
حمآگ الله يَ طيّب​

 

[المايسترو]

رد: || دآرْمِيّــآت || لِـ آلــوَطَــنِ

الله الله الله
كلمات في غاية الروع ​