دارميات بحق الام

[ابو مناف البصري]

مشاركه دارمي بأقلام الشعراء والأستاذة عن الام
،*************************
مانمت مثل النام........يوم امي ماتت
صم ملح طب بالعين وجروحي هاجت
قلم خلف حسن سلطان
،************************
ماظكته طعم النوم لابالي مرتاح
وي امي شال الخير ماضلت أفراح
قلم كاظم الزاملي
،**************************
امي الضخر بالبيت من شالت انشال
لويقبل الله افديه عشره من العيال
قلم كاطع بستان
**************************
امي امنوكلن اخ تتكدر ابساع
الألم كله يروح من كلبي للكاع
قلم الحاج جواد كاظم الدعمي
،*************************
أمي من اصيح احاه- ينطر #كبرها
ميته وعله البيبان- باقي #أنتظرها
منذر الأبراهيمي
،**************************
القلم يكتب دوم. بس عنده ميزه
كل حرف بي دمعات لمي العزيزه
قلم كاظم الخفاجي
،************************
شالت وضل بالدار وصلت هدمه
واتخربط ومانام اله من اشمهه
قلم محسن العوادي
،**************************
مانمت أنه اسنين افركه المحنه
لن عكلي كال ابهاي شنجازي احنه
قلم كاظم جابر الزيدي
***********************
امي التنور البيت من جنت اطبه
شالت واظلم صار ماكمت احبه
قلم كاطع بستان
،************************
(ربـت وسهـرت لليل امي الحنـونه)
(علراس احطه اعگال هيه وابونه)
//ق وميض الشمري//
**************************
يايمه گبلچ كون. يصبح مماتي
عگبج فلا تراد شلي،، ابحياتي
ابورياض الشطري
،************************
كون انطي فص العين واعمي نظرها
كل هذا ما وفيه .... لامي وعمرها
✍ ماجد الغراوي
،***************************
ارد اشرد من البيت و اسكن خرايب
فارغ احسه اليوم صوت امي غايب
✍ ماجد الغراوي

 

[ღ شَغَفْ ღ]

اجمل ما قرأت بحق الام

 

[ناطق العبيدي]

تسلم أناملك عالطرح الرائـع
لآحرمنـا الله روعة موأضيعك
شكرا لمجهودك المميـز
دمت قلماا مبدعا بين طيات المنتدى