دارميات زور جوانه ,,,حلوه لاتفوتكم

[دهـ يدهـ ش]

هاگ اخذ روحي وياك يالرايد تروح ... گلبي اعله بابگ ليش خليته مذبوح
ماادري ليش وياگ ترتاح لگلوب *** شايل سحر للناس لو انته محبوب
لاتسأل المشتاق اسال اجروحه***تلكي الجواب يگول بس انته روحه​

​

​

ثق واعتقد بهواگ ربگ بلاني***حبگ ابگلبي ايزيد كل ست ثواني
يوگف اذا مريت من يمي گلشي *** لا گلب لا رجلين لا ساعة تمشي
تدري شوگت أنساگ وبگلبي اتهون***من تسمع آنه اهناگ بالانبار مدفون
مهما تريد اتغيب بعيوني اشوفگ *** گمره انته واهلالين واشلون اعوفگ
عايش تظل للدوم بعيوني دمعه *** وحبگ سكن بالروح حوسمله قطعه
ارد أمشي للعباس شباگه اهزه *** ليش اصبحت مگروه عگب المعزه
اجمل ليالي الناس..ليل اليحبـون***للحلوه كَلبي اهـديه..وهم انه ممنون
من عمت عينه الگال بفراگك ارتاح *** ابجي ابسواد الليل حتى الرمش طاح
ريت الالم مو بيگ ياريته بيه *** دونگ لجر الموت بثنين اديه
ادري بهلگ منعوگ لا تمشي وياي***بس گلبگ اعلى الشوگـ هم يبعد ابهاي
شح الفرح وياي واحزاني گومه *** وحزني وحزن بغداد من الحگومه
راسلني عالايميل حسبالي هم بيت *** تعبني الياهو وياك تاليه مليت
حسبالگ آنه انساگ من ما اخابر*** ماينحمل فرگاك بس گوه صابر
مغيم دليلي اعليگ يمطر الگ دم ... لايرضة جرحه ايطيب لايرضة يلتم
لايشفى لايلتم جرحگ عرفنة ... عدنةالگلب برگان شب وحركنة
العشگ سر الكون واكبر فضيحه *** بس تختلف ويه هواگ سرگ يبيحه
گالولي عوف اهواگ گتلهم شلون *** بلگلب بدلال بلدم بلعيون
صح اني انام الليل وامغمض عيون ... بس الگلب والروح بيگم يفگرون
افرگ بصل للعين بس دمعه رايد *** يراسلني عالايميل للدمعه زايد
گلمن يروح بعيد ينذب وراه ماي *** بس انه اذب الروح من يبعد هواي
لاتوگف ويه الغير وتهيج الاوجاع *** أمن الگاع اغار عليگ من تمشي عالگاع
گتلك واگلك دوم وتگلي ادري *** ارجع واگول ردود فدوه الگ عمري
للموت اضل اهواگ ما يوم املگ *** وما بيه حيل فراگ من هسه اكلگ
الرد..
مابيگ حيل فراگ ومتاني للموت *** ياعمي گل لهواگ ينجرله تابوت
عاشرت گل الناس بس مو مثلگم **** گلساع احس بالموت لو ما شفتگم
بگل ساعه احن عليگ لا كل دقيقه *** وجهگ كمر و ينور وايدگ رقيقه
انت بوسط هل روح لاتظن اعوفگ *** ادفع عشر ورقات بس كون أشوفگ
بالك تفكر بيوم تزعل عليه *** والحمزه افجر الروح و انت الضحيه
دگ روحه ست دگات و انگلب هزاز *** جوالي هم شيطان يعرفهم عزاز
حبگ سكن بالروح فلشني تفليش *** لا تخسر السنتات جاوبني ترميش
خناجر لاتحد بيه وناسف
وغلطه مابدت مني وانااسف
أصير حزام تي ان تي وناسف
افجر الگون بس تزعل علية
سوبر يرگب هواي وسويجه ذهبي........غالي وگراجه الروح والساحه گلبي
خنتي العهد وياي كل عذر ماريد***عمري انگضه وياج بس المواعيد
دجله وفرات الروح والگلب ذي قار *** وعماره عيني اتصير والجسد انبار
عاش العراق انصيح عاشت فراتي *** واصرخ بعالي الصوت دجله حياتي
تستاهل انت الروح مو بس محبه *** والگلب لو ينساگ والگعبه اذبه
شنهي امي شنهي الناس شنهي الگرايب ... فرگه حبيب الروح هي المصايب
بگلشي اضحي اليوم بس گون اراضيگ ... ولساني لوگطعوه بعيوني احاجيگ
من ارسل الگلمات ماتشفى الجروح *** گون من ادوس ارسال توصلگ الروح
نختلف عن كل ضيف لو بيتي زرته... تطلع وراگ الروح من تطلع انته
مسدودة كــل الطرق صبات واســلاگ ... عبوة تحــطلي بدرب صدگني اتعنــــاگ
الگلب ماينســاگ جيـف انــت دمـة... الجرح لو بـــي فاض ياهو اليلمـة
فدوة تـروح اشلاي صدگنـي لجلگ... لو انت سـل بلروح هــم مــا أمـلگ
ادري تحبني هواي بس اني اگثـر ...بلحلم شفتك طيف وخايــف لتعثـر
لو شفتـــگ انــة اليــــوم ثــــق مااعوفگ ...ساعة اصفن عله العين وساعة بوصوفگ
گلمن يگول انساگ صدگ اشاعة...حبگ يمر عالبال كل ربع ساعة
العمر طبخة چاي والوگت قوري ... ليش اليحب حلوين ينضرب بوري
اسود قميصچ حيل والچنطه سوده ... هذا حزن معهود لو هاذي موده
لو حبي بيگ اندار صدگ يسلگ *** تدريني اموت عليك ماحاجة اكلگ
گلمن يگول أنساگ ينهجم بيته ... يضحك عليگ الگال اسمگ نسيته
اسمر وسيع العين يكتل سمارة *** بس رمشة يسوة الكوت واهل العمارة
سلمت ما رديت شنهو انته زعلان ***عوف المحبه تهون يابه احنه جيران
جان الگلب فولاذ هسة الگلب جام ... گامن يردمن بيه همك والايام
الوگت لــــــو فر بيگ لطخ أبد راس ***ضل اعله طبعك دوم دايس متنداس
ياخويه والعباس ما خنتگ اني***البشر خان اوياي هوه وزماني
اتمنة حبگ ماي واغرگ مثل جاگ*** وبحجت الغرگان اتحاضن اوياگ
حطني بضرف ياشوگ وارسلني ليهم***مثل الرسالة صير روحي بديهم
يگولون گلهن سوه كلت البنات اشگال *** بيهن تريح الگلب وبيهن تشل الحال
للنجف زتني هناگ لو زفتگ تفوت *** وسيارة العريس اگلبهه تابوت
گلمن يگول انساگ گله انت شيطـــــان ... انسه الگلب والروح لو انسى اعـــــز انســـــان
من ذگرت فرگاك الروح طلعت ... من ذكرت الايام الدموع هلت
هم حلو هم محبوب هم سگن گلبي ... عمري وحياتي الكـــ وفوگاها حبي
وحگ رب الگون ما شفت مثلگ ...حلو وعيون وساع صدگ احبك
اسمر والعيون وساع چتاله ... من شافك كلبي مدري شجراله
حبي وحياتي الگ يابعد عيني ... لا سنه ولا سنتين ضيعت سنيني
وحگ رب الگون اگطعلگ ايدي ... فدوة لحبيب الروح عمري ورصيدي
يرجف ارجوف اعليگْ گلبي ويحس بيكْ *** من جسمي يطلع يوم لو خطف طـــآآريكــْ
ريتك حبيبي اليوم يم بابي واگف *** واذبح طلي لملگاك صدگني حالف
اخوي اريد انخاك والنخوة حلوة***تگدر تمر بهواي وتجيبة گوة ؟
دكَ گلبي الك دگات مو دگه وحده ...كل دكَه احس الباب جنك تدكـَــه
كل البشر طيبين بس انت الك ميزة ... دخلت الگلب تهريب وبلاي فيزة
تيزآب أحط بالعين واعميها بجفآكْ...خآفن تصد للغير وتنسى المضى ويــآك
گون انگلب عصفور واطير علة بابگ ...بلگي تحس بيوم بلهفة احبابگ
گلمن يگول انساگ گله انت غلطان...جوة الجلد موجود يعني انت شريــــآآن
ندري الجمال البيك محّد يلوحهـ ...والگلب من حبــّآك صفّگ الروحـــهـ
حية واجت بسگوت تلدغني رادت...ومن گثر مامهموم لدغتني ماتت
تيـزاب احط بالعيــن واعميهـا لجلَگْ ...اهلـي وعمـامي اتـروح فـدوة لخلقتــَكــ
يلفارگت اهواگ سم اشرب وموت...شلگ بعد بالروح لو زفته تفوت
گتلگ تفضل فوت كل قصدي للبيت ...رأسا گسرت الباب وبگلبي طبيت
ماضل بعد بالكون اي شي حقيقي...التفت عالجتال والكاه صديقي
سلّم ولو بالعين تگفي الإشارة...روحي إبتلت بهواگ ... سـَويلي چارة
بالصف وافكّر بيچ عن درسي فاتر...وإسمچ كتبته بشوگ فوگ الدفـــــــاتر
يگثر ونين الروح من يگبل الليل ...مل مني سابع جار واتعمد يشيل
كل يوم اگول اليوم شوگگ يجيبك ...و من بعد طول إفراگ تذكر حبيبك
گلي انه اصير تراب بس لا تزعلين...و دمعچ يصب طلقات من يترك العين
كون الحبيب يصير بالحمزه دنكََه...وبحجه الزوار كل ساعه اشبكَه
نيالگ تشوف هواك لو حتى بالطيف...وگــــ شوفة الحلوين صارت مطر صيف
نص گلبي باسمك صار نص الك مسكون...بس گلي ما وفيت انطيك العيون
گّمت ملگ الموت حسبالي ماموت ...تاليها نص الليل .. جايبلي تابــــــــــــووت
ناسي ونسيت الناس ما ناسي حبهه...ومن عيني اصب دمعات كل ساعه اذبهه
كون بظلام وليل والدنيا هوسة ...حتى ارگض انه عليج واخذلي بوسه
من زاخو لحد الفاو روحي ارد امدهة ...وكل القنابل هاي عنكم اصدهة
تمثال الك منصوب مابين العيون...نافوره منه وبيه من دمع العيون
يتمايل ابممشاه روطة اعلى روطة...عذبني يا هالناس ... شو چنّة موطة
يا ربي مو مليت واذتني لجروح ...لو ترحم الينخاك لو تاخذ الروح
يايمـّة شيلي الـزاد .. بالهم تعشّيت ...جابولـي طـاري هواي .. بالزبــدة غصّيت
ريتك مرض وتصير مابين الضلوع...ومزمن تصير وياي موتشفه باسبوع
هم هم هم الناس هم هم الهموم...لو وحدة منهن بيك صدگني متگوم
كـــل مرض لا ما بيكـ يا خوية محسود...وحــل الي يحسدكـــ داخ بعيونكــ السود
دربك عليه بعيد وتريدگ الروح...والكلمه بالمرسال ماتشفي لجروح
گتلگ تفضل فوت كل قصدي للبيت ...شمالك دفرت الباب وبگلبي دشيت
گلش عزيزة الروح تدري أنت عنهه ...بس الك فدوة تروح جي أعز منهه
هاك الگلب والروح وعيوني اخذهن ...دوم الك مشتاگات خلصني منهن
هذا الجمال منين ياعمي بلوة...هم خصر هم خدود هم شفة حلوة
تودعني صار اسبوع شو ماتجيني ...وعالدرب يالمحبوب منتضرة عيني
يا حبي يا اغلى الناس شو ماكو انته...حته السمچ بالماي عنك سألته
هاچ اخذي يا نسمات بوسة لحبيبي...ورايد رسالة شوگ .. من عنده جيبي
هذا الجمال منينة خبرنة عنة...شايل جمال الكون شمخلي النة
تدري حبيب هواي تشتاكك الروح...ولو انت باليونان اوصلك اسبوح
حسبالي خوش وليد سلمتك الروح...عگرب تريد تصير .. تلدغني وتــروح
تسلم يبعد الروح يابعد حالي .. خل ناسي كلها تروح بس انت غالي
كلمن يكول انساك كلة انت مجنون...شلون الدرب ينشاف من غير العيون
نورني يابن الناس و اوزنلي بيتي ...صدكني لو غلطان ادفع خطيتي
ياعيني يالزعلان لا تزعل اكلك...اعذرني لو غلطان قابل حكتلك
تدري اشمعزهه الروح انت اعز منهه...ولو تطلب انت الروح مرخص ثمنهه
مدري الزمان شبيه ورطني وياك...لا اكدر اوصل ليك ولا اكدر انساك
كون الكلب هاليوم بيدك تلزمه ...نصي انه اعيشن بي ونصك تضمه
دورت مثلك زين بس ما لكيتك...ومن ضعت يا بن الناس صرت بخطيتك
ع الگلب مو ع الگاع چنچ تدوسين ...ومن الخطر يحميچ .. مولاي الحسيـــن
عيني وفداك الروح يفداك كلبي ...دورهه عرض بطول بس انته حبي
يردونك الشمات غارك بالهموم ...صدكني مرعوبين من صحوة اليوم
ما انسى اني اهواى لوطلقة بالراس ...جوة القبر ذكراه تنطيني انفاس
دورت بالصفنات وحده انته منهن...لمن صفنت انوب صرت انته كلهن
نص ليلي افكر بيك صرت انته بيه...صدگ ترد الروح من تحچي اليه
هاك الكلب والروح وياهن اني...كلشي التريد انساه بس لتنساني
كلمن يگول انساك صدگني اشاعه ...حبّك ابگلبي ايزيد كل ربع ســــــــــــــــاعه
گلمن يگول انساگ گله انت گذاب ... شلون انسه اعز انسان شلون انسه الاحباب
اگدر انساك وامووت بفرگاك وانا وراك وراك ...ولو تروح للسمة مثل ما تقول اليسا استنااااااك
كون انگلب طلقات وادخل ابگلبك...واكتب على الشريان دمرني حبك
كل عقلك انه انساك يوم من الايام ...مو على اللحم دكيت اسمك بالعظام
يالمنطبع بالروح حبك بالعيون...ورسمك يابعد الروح سواني مجنون
نامت رغد هالناس بس اني سهران ...من كثر الحزن يهواي شالوا الجيران
كل البشر يرحون فدوه لحبيبي...بس هوه من هالناس يصبح طبيبي
نتعذب آني وياك .. حُكـــم الليالي ...ما بيهه لذه الآه ..للكَلبه خــالي
يسئلني الاستاذ اعربلي كانَ ...حسباله مثل العام عقلي بمكانه​

هم حلو .. وهم إزغيــر .. هم سود عيون...بس بيه طبع مو زين من يوعد إيخــــون
ياهو اليكلك روح عن بالي وارحل...ورده وبدون الماي تدريني اذبل
لا تظن انا انساك و بعيني رسمك...اسمي الثلاثي انساه و ما انسى اسمك
كل ما يمر طاريك تتراوه يمي ...واسمك صبح تكوين يمشي ويه دمي
يالتسأل اعله الحال ميت بدونك ...عمري وحياتي تروح فدوه لعيونك
گلبي تركني وراح بشّرني ماجاك ..!!فرّ مني صار سبوع .. گالو تعنّــاك
كالولي ولفك راح كتلهم ابعد...كَـالو صعد للغيـم كَلتلهم أصعد
همج وهم الناس كلهم عليه...بس والله ما انساج حد المنيه
كون انكلب فنجان بيد الكهوجي ...واوصل لحلك هواي واشكيله وابجي
نسهر نعوف النوم...نصبحلك عيون...يل بالعقل موجود...نسيانك شلون
تتعارك الشبان كله عله موده ...شنهي الجمال البيك طرگاعه سوده
هلگد وسيعه العين بيها البلاوي...حاصل جمعها اعليك گللّي شيساوي
دورت كل بغداد بس كون اشوفك ...انت العمر والروح وشلون اعوفك
مو بيدي من حبيت بس الله يدري ...من زغري حب هواي بالگلب يسري
هذا الحلو مهيوب والدنيا تهوا...والكتل بس مسموح لو هوه سوا
رحت آنه للدكتـور شاورنـي بسكـوتـ ...لو ولفكـ ايداويـك ... لو باچـر اتمـوت
ليش الحلو محبوب من دون أصدقائه...لو كتل عشرة بيوم يطلع براءه
كلمن يگول انساك صدگني اعمى...اوگعله دگ كلات واكسرله خشمه
رحت آنا للدكتور گلّي بهداوة ...من ولفك ايحاچيك يلا اتدّاوة
تيهت لمن جيت ضيعت الحساب ...وعالگلب دك الضيم حسبالي عالباب
گلبي شكثر يهواك ويحبك انته...ولو گلبي حب اثنين هم انته و انته
هالگلبْ ما حَبْ دوم بَس إنته وإنته..ولو بس يدگ دگات هم إلگ دگتـــه ..
اسال نجوم الليل عنك تجاوب...والكلب شال سلاح يمكن يحارب
دون البشر والله حبيتك انته .... والشعر الك ياروح صدك كتبته
متعجب من الشيب غطى هدب العيون...كَمت اشوف الديج حسبالي بزون
ادعيلج بنص ليل ربي يشافيج ...ادري رقيقة حال عالمرض مابيج
جنت انة ازامط بيك واترجة عونك ...اصبحت كلفة عليك كلمة شلونك
لا تعتب اعله الروح لو ما تحاجيك...صدكني كلهه تذوب لو عده طاريك
بالك تظن والله ان انا انساك ... والله وعلي الكرار بس انت اهواك
كون الگلب بيه باب وتشوفه العيون ...چان اعذرتني الناس حته اليلومون
كون العمر يندار واهديلك الروح ... فدوة وهديتي تصير من عندك جروح
يا گلبي اذا تنساه بالگاع اشمركْ...واسحك على الجابوكْ واگلب خلقتَكْ ..
كون القلب ياهواي عينك تشوفه ...لو شفت غيرك بي حكك تعوفه
كافي الزعل يهواي خل نرجع احباب ...كل الجروح تطيب وي دگة الباب
بابچ اشو مسدود چا شنهو بابچ...ما چنهه تنتضرين جيت احبابچ
جم دوب اضل ملهوف واكعد بدربه...لا مر عليه ولا فات ولا انكسر كلبه
هاك اخذ هاي الروح ماتسوة بدونك...لو ردت حتة العين .. فدوة لعيونك
كالوحبيب الروح مل منك وراح ...كلتلهم الله وياه بس كونه مرتاح
تِسكنْ تريد الرّوح يمّك وترتاح ...بَس آسِف الكي بورد .. ما يرسل اروآح
حرت انه بيهه اليوم شكتب عليهه...خبلني گلبي خبال بس يحچي بيهه
همومي شكثر ياناس لا ما اعدهن...تغرك سفينة نوح لو حملتهن
احلفك بالله لتنساني يمك خلي عنواني ....اول فرع بالشريان يم الكلب تلكاني
سكنت الكلب لو تدري اخذت الروح من صدري ولا غيرك شغل فكري عساك بخير يا عمري
َكتله عينك.. كَال واسعه.. كَتله خدك.. كَال شمعه.. كَتله شعرك.. كَال أشگر.. كَتله أبوسك..
كَال تخدر.. كَتله أعوفك.. كَال تخسر.. كَتله أحبك.. كَال و أكثر و أكثر.. كَتله الله.. صاح و أكبر
ماأضمن الايام لكن اضمن احساسي***ولوحبك يصير إعدام احبك والثمن راسي
هم انته مثلي تغار ويفور دمك *** من تمشي ويه الغير لو بيدي اسمك
اطلب وكولن صار تامرني انته *** عمري من اول يوم باسمك رهنته
حبك حبيب الروح سوالي هوسه *** كل ساع الك يشتاك ويريد بوسه
اصبر صبر ايوب وبصبره راضي *** بس انته جيب شهود يحكم القاضي
انت شمس بغداد وانت كمر بيه ...يا اغله كل الناس واجمل بشر بيه
اضحي بدنيتي لجلك ..وخلي الغالي يرخصلك ...واحبك مو على كيفك احبك غصب على اهلك
لا تهمل اليهواك حاسب ضميرك ...صدكني يلمحبوب ما عندي غيرك
غالي وعزيز هواي واغلى من العيون *** اعقد زواج وياك لو اگلب الكون
مثل الگمر والليل اني وحبيبي ... حبه سكن بالروح دمر گليبي
شوفتكم طاسة لبن تروي سموم الگيظ .... حبكم ثريد ولحم مو بس طماطة وبيض​

​

​

لك مني ثلاث جبال جبل شوق وجبل حنية وجبل اشمرك منة اذا ماتسال علية
فارغ تروح وياي للمحكمة اليوم ...اتنازل من الروح تاخذهه للدوم
هاك اخذ الكلب والروح هاك اخذ العيون... واخذ العقل وياك خليني مجنون
صح انته عني بعيد بس روحي تهواك ...ادفنهه عدله الروح لو مرة تنساك
اتمنى اشوفك دوم يسعدني ملكاك ...وجروحي كلها اطيب من اكعد اوياك
ملعون هذا ألزمن ملعونه دكاته...باعدنه عن ألمحب و حارمنه ضحكاته
قلبي أنخطف بالليل وأنت الخطفته ....لا رجع لا مسجون بس لا علسته
مبروك قبولك في كلية قلبي تخصص : حب التخرج : مستحيل
شگ گلبي بالسجين والعبوه حطها --- راجعلي بعد سنين ناوي يطكها
هاك اخذالكلب والروح هاك اخذ العيون ...واخذ العقل وياك خلبتي مجنون
بكلشي اضحى اليوم بس كون اراضيك... ولساني لوكطعوة بعيوني احا جيك0
اصفن واحاجي الروح وين احنه جنه... هم ترجع الايام ويلتم شملنه
اصبر صبر ايوب وبصبري راضى.... بس انتة جيب شهود يحكم الفاضى
أعزك يا عسل صافي . لأنك بالوصل وافي .ودايم حبك الدافي . يبين شوقي الخافي
اطبلك ع الدوريه ... واحركلك مدرعه امريكيه .. مو لاني عراقي ... لأن احبك يا ابو الحنيه
صدك افجر الكون لو زفتك فاتت ... ويوصلك الخبر للبيت الروح ماتت
ضل بالي عليك شلون والله يعلم بحالي ... دايخ بس افكر بيك وبالي علي يالغالي
مدري شصار بحالي ... ما غبت لحظة عن بالي ... سألوني هاي شبيك ... كلتلهم اريد الغالي
صدكني كل يومين يزدادلك حبي ... ولو ردت الاثبات انطيك كلبي
كلبي نسيته هناك يمكم يا حبي ... ولو ردت تخلي خلي كلبي
قد يبيع الإنسان شيئا قد شراه...ولكن لايبيع قلبا قد هواه
جمال الليل بنظرة عيونك ونور البدر مرسوم بجفونك وكل الكون ما يسوى بدونك
للدموع أسرار وللحب آثار وفراقك نار وشوفتك تمحي كل شي صار
*كون الله هسه اليوم ياخذهه روحي ... وانسى اذى المحبوب وتخلص جروحي
*كون الله هسه اليوم ياخذني وياك ... ظلمه يا ضي العين العيشه بلياك
*اتمنى قلبج يوم يوگع بديه ... وأقفل عليه الباب واشبعه اذيه
*گلبي تشبعه بضيم أنا اللي ممنون ... بس لاتجافي الروح لو ولفك تخون
*مو بالقلب بالروح رايد اخليك ** واكتب خطرممنوع محد يمر بيك
*ملبوس الأسود دوم مو كلش يلوك...من تلبس الأسود يوم جاعزل السوك
*ياما شفت حلوات بس انتي الاحلى ... يالعينج سواد الليل ومن غير كحله
*احمر شعر هواي والخصلة سودة ... يمشي بدلع من يفوت واللبس مودة
*اسود لبسلي اليوم وحياني الاسمر ... والشعر نهر النيل والرگبة مرمر
*سب واشتم شمتريد يا ولفي اقبل ... ولا تظلم اني اهواك ومااريد تزعل
*كلبي ارد اكصة بموس واكوي بمكانة ... علمني اعلى دروب كلهن مهانة
*نيالك تشوفه هواك وبالحلم ساعة ... ما نمت لحظة بليل من يوم وداعة
*شحجي شكل للناس من همي شحجي ... مليان بالحسرات بس احجي ابجي
*اگعد بنص الليل واذكر وليفي ... وبحجة الحلمان ابچي على كيفي
*حبك يا بعد الروح بگليبي شمعة ... تتحول من تذوب بعيوني دمعة
*برنو عيون هواي والمشط بيهه ... والعده سبع ارواح ما يصد ليهه
*اسمر واخاف عليك من ممشى الغروب ... حلو وبعده صغير ما يندل دروب
*ليل الشتة يهواي مكدر انامة ... حط بالكلب نيشان هاي العلامة
ألهج بأسمك دوم وأسأل لساني... ذكرك يمر عل روح كل ست ثواني
متعجب انته هواي كل ست ثواني...كل ثانيه بطرواك متعذب اني​

بصدري احط رمان وللبيت اچيلگ ... انفچر يم الباب لو ما لگيتگ
مو موته اموتلك موتات ... لا ظل دمع بالعين ولا بالكلب دكات
ياروحي .... للدوم عينچ ع الدرب ... تعبتي وياچ الگلب
يايمه هذا الحلو سوالي جلطه ... جاييني تالي الليل راكبلي بطه
اشعلني ع طولك وصيح بيه الصوت ... انا بطرك النفس بين الحيه والموت
هذا شلون تعلوم علمتك عليه ... امرن بيك كل يوم يالماتمر بيه
كلي بكلبك شضام ... لا تعيشني بأوهام
كلشي ولا احس تعلـــــــــــب عليه
علمته يرمي سهام حلو المعاني ...لمن تعلم زين صدكوا رماني
ودوني للدكوتر مدري شبيه اني ... سواها هذا هواي بسهم العشگ رماني
جبت الصديق وياي حسبالي حماني ... تاليها جر سلاح وبالگلب رماني
عليه تعاونوا همه وزماني ... اصيحن أأأأخ ما واحد اجاني
امنيتي أجيلك ملهوف واعبر بحور الخوف بس كلشي ضدي حظي و الدنيا و الظروف
بس جرح واحد بي ويريد اضمده ... شكدها الجروح البيه وماشتكي عنده
اطب بسيطرة امريكيه ... وافجر قنبله نوويه ... وافجرلك نفسي ضحيه ... بس اذا تزعل عليه
يا رسايل علميها شلون كلبي ذاب فيها ولو مضى وقت ونستني يا رسايل ذكريها
اعرب (( قلبي )) كائن مسحور بطيفك مقتول وعلامة قتله النظره الظاهرة في عينيك
اعرب (( عقلي )) كائن مجون بحبك عاطل عن التفكير وسبب العطل البسمة الظاهرة علي شفتيك​

عيد وفرح عالناس والدنيه حلوه
بس اني كلي هموم كلبي تجـــوه
**************
أنطر وأرد أردود والعيد اجاني
يمكن عزيز الروح جنه نساني
**************
أكتب أرد أردود اكتب قصــــــايد
والحلو ياهالناس من عندي شارد
**************
ميه هله بهواي مجبل عليـنه
حجينه كبل الناس وهالعيدينه​

كل فركه صعبه أتصير أنساها وتهون......... بس فركتك تيزاب ينزل بالعيون
اتونس علشفات لو حركتــــــــــــهن......... انسه اشتريد اتكول وانسه الكلتهن
اخدر بعد مترات لمن احس جــــــاي........ هبه المصيبه اشلون من تكعد وياي
البصره لو تنباع كلهل اشتريـــــــه ........ وادفع ثمنها الروح جي انت بيها
بالروح احس اتعيش يالنبعك الدر.......... ترتجف كل اعضاي من ذكرك يمر
عطشان اظل عطشان وروه على شوفك .. بطرانه هاي الناس يردوني اعوفك
لا تضن انساك ونسى الليالي ........... جثتي على التابوت ونت على بالي
سلم ولو بالعين تكفي الاشاره........... روحي ابتلت بهواك سويلي جاره
لا تضن مثل الناس بس تبعد انساك... صح انته عني ابعيد بس روحي وياك
من عيني مدري شطاح لا دم ولا ماب..ثاري سواد العين من فركة اهواي
حرموني نوم الليل يردوني انساك... خافو انام الليل وبحلمي الكاك
رغم البعد ياصاح شخصك حضنته.... أحجي ويه روحي اليوم حسبالي انته
روحي شكثر تهواك وشكد تهم بيك... سعفه ويهزهه الريح من يمر طاريك
لا اكدر اوصل ليك لا كدر انساك.....مدري الزمان شلون ورطني وياك
أه العسل بشفاك لو يوصل شفاي.... أسبوع اضل بالصيف ما اشرب الماي
مني أخذ شتريد وشماردت هاك...منك طمع ما ريد بس اكعد وياك
احنا ابجسد روحين والدم فرد دم..... والكلب واحد صار بالفرح والهم
ريت الوفه بستان بيه تجري الانهار .... وبيه ترعى كل الناس من طيب الاثمار
غصبن عليها العين جابتني اشوفك ... ولك كثر عليها اللوم بلجن تعوفك
احا ولك دلالي ...صوبني وانشل حالي ... لأجلك اضحي الغالي ... وانطيهم شما يردون لاهله ويقبلون
احسك ساكن بقلبي واحسك انته دكاته واحسك بالنفس تسري وحق الله وسماواته
حرت شكتب ياقصيده وحرت شكتب يا كلام انته لو تعرف معزتك جان ليلك ما تنام
سكنت الكلب لو تدري اخذت الروح من صدري ولا غيرك شغل فكريعساك بخير يا عمري
كلبي عذبته بهواك نسه دمه وما نساك شاف لوعات بغيابك ترضه يوكف من وراك
تمنيت اتكون يمي وتمنيت صدرك يضمني تمنيت ابوسك حيل وتكول كافي ارحمني
طريقي عيونك الحلوه وبيتي كلبك الدافي ضلاميغيبتك عني وصبحي وجهك الصافي
كون اني وانته طيور وبقفص محبوسين .. بوس وحظن وشباك تلكانة مهلوسين
كذب من كال عنك مره شفتك العسل مر بشفافي من رشفتك احذر لو ويه غيري مره شفتك انتحر بيك واموتك بين اديه
ابيض وسيع العين والحاجب هلال بس انته يل المحبوب بيك اضرب امثال
أعرفك على نفسي، أسمي عاشق، وعنواني قلبك، تاريخ ميلادي يوم سمعت صوتك. التعريف
بهديك شيك بمليون بوسة اصرفيه من بنك حبي.. شارع قلبي.. الدور الأول من روحي!!
الاسم : مجنونك
العمر : ضايع بدونك
الهواية : رسم عيونك
النهاية : أحبك
سألت البحر تقدر توصل سلامي ماتتأخر
قال :سلامك حار أخاف الماي يتبخر!
الحب مو بس تعال وروح وهله وشلونك الحب دمعه وجروح وقلب ما يعرف يخونك
قلبي اجاكم يهرول رغم ممنوع التجول خلي يبوسكم ويرجع لاتخلونه يطول
أحبك بجنون خل يدرون وش بيسوون بيزعلون ؟ خلهم من البحر يشربون
مساء الشوق يارايق يابسمة كل متضايق مساء بشخصكم لايق بحلي واغلا الخلايق
القمر حلوه لكنه عالي والذهب حلوه لكنه غالي وانت احلي منهم لانك علي بالي
سأكتب عذابنا على جدار الزمن فان عشنا عشنا معا وان متنا نتقاسم الكفن
ورقه وقلم گضيت ردت اگتب انساگ ... شو اوصل لحد النون واگتبها اهواگ
اني ما افرض محبتي اني مو طبعي لحوح ...بس اگلك گلمه وحدة عمري من غيرك يروح
جاوبني هسه بساع وانطيني رأيك ... بعدك تعزني هواي لو خبط مايك
للنار اروح وياك لو رايد امشي ... دنيا وعگب فرگاك ماتسوى گلشي
تعال وشوف وانظر جم جرح بيه ... مو بس الگلب مجروح حتى الروح ممليه
حبك تعدى الروح واخترق العظام ... حب هذا مال سنين مو حب هالايام
والله لاصير بكيفي ... اصعد وافوت بسيفي ... من اهلج اخذ حيفي يهو الي يندك بيه
انتي بدرب واني بدرب واثنينه نعلن حرب
تمشي وكأنها اثنين قاسمها الحزام ... مثل اليعد ليرات خطوات الاقدام
راسمها رب الكون سبحانه سبحان ... شمس وكمر العيون والشفه رمان​

 

[عراقي أنا]

رد: دارميات زور جوانه ,,,حلوه لاتفوتكم

عاشت الايادي ديدش ..
شكرررررا

تحيااااااتي

​

 

[الشاعر الرياضي]

رد: دارميات زور جوانه ,,,حلوه لاتفوتكم

تسلم الايادى
دارميات روعه

 

[شواطئ الغربه]

رد: دارميات زور جوانه ,,,حلوه لاتفوتكم

أسمحلي أبدي بأعجابي بتميز قلمك الرائع
كلمات روعة وطرح اروع
يعطيك الــف عافية
تقبل مروري
تقديري

j-(