شفتك تمشي وي غيري و بجيت دموع
و لان كلش اغار و واكع بحبك
هو الـ يحبك فرض هيج يغار
اكص جدمه اذا غيري مشه بدربك
دباوع لحظه ليه و حن علي فد يوم
رايد نظره منك ما ردت قلبك
حبيتك ذنب بس كلت اظل وياك
خل تحركني نارك قابل بذنبك
منك غارت النجمه و شمس الغروب
و يتمنى القمر لو يكعد بقربك
و بقى عطر الورد من ريحتك مسطور
لو يحجي الورد صدكني ليسبك
و تريد اني اقاوم هالجمال البيك
لك انت المؤذن يسكر بعطرك
يجي حتى يأذن بس يصيح الله
ينسه اكبر و يصيح (( الله يا حبك ))
تمشي و بخصرك تميل و نميل وياك
و اذا بحجاره تعثر ننكلب قبلك
تشيل اللفه تاكل .. بس تصل لشفاك
اثاري اللفه هي التاكل بشفتك
تعاملني بقساوه و تدري بيه اهواك
و اعاتب قلبي و اكوله السبب من عندك
و اذا مره حجيت .. و ما حجيت وياي
اكص لساني اكولن يمكن مزعلك
و صح قلبي يتسودن من يمر طاريك
و صح العقل يمك و الفكر يمك
بس خليني احذرك لا تتعده وياي
و لتكولي تذلني و اقبل بذلك
لان حبك معزتك ضحكتك ملكاك
تحت جدم الكرامه .. ليمهه ما رفعك
بس غير الكرامه شما تسوي يهون
و اطلعلك اعذار و اقبل بعذرك
و اذا تطلع فتاوي تكفر اليهواك
اول واحد اني .. الواكع بكفرك
و اذا حبك ثلج راضي احضنه بكانون
و بتموز قابل اكل بجمرك
دعيت الله تحبني و انت ليه تصير
و سهرت الليل اسجد و اركع لربك
قطعه من آلكَمر
و لان كلش اغار و واكع بحبك
هو الـ يحبك فرض هيج يغار
اكص جدمه اذا غيري مشه بدربك
دباوع لحظه ليه و حن علي فد يوم
رايد نظره منك ما ردت قلبك
حبيتك ذنب بس كلت اظل وياك
خل تحركني نارك قابل بذنبك
منك غارت النجمه و شمس الغروب
و يتمنى القمر لو يكعد بقربك
و بقى عطر الورد من ريحتك مسطور
لو يحجي الورد صدكني ليسبك
و تريد اني اقاوم هالجمال البيك
لك انت المؤذن يسكر بعطرك
يجي حتى يأذن بس يصيح الله
ينسه اكبر و يصيح (( الله يا حبك ))
تمشي و بخصرك تميل و نميل وياك
و اذا بحجاره تعثر ننكلب قبلك
تشيل اللفه تاكل .. بس تصل لشفاك
اثاري اللفه هي التاكل بشفتك
تعاملني بقساوه و تدري بيه اهواك
و اعاتب قلبي و اكوله السبب من عندك
و اذا مره حجيت .. و ما حجيت وياي
اكص لساني اكولن يمكن مزعلك
و صح قلبي يتسودن من يمر طاريك
و صح العقل يمك و الفكر يمك
بس خليني احذرك لا تتعده وياي
و لتكولي تذلني و اقبل بذلك
لان حبك معزتك ضحكتك ملكاك
تحت جدم الكرامه .. ليمهه ما رفعك
بس غير الكرامه شما تسوي يهون
و اطلعلك اعذار و اقبل بعذرك
و اذا تطلع فتاوي تكفر اليهواك
اول واحد اني .. الواكع بكفرك
و اذا حبك ثلج راضي احضنه بكانون
و بتموز قابل اكل بجمرك
دعيت الله تحبني و انت ليه تصير
و سهرت الليل اسجد و اركع لربك
قطعه من آلكَمر
