دفاتر للوجع گلبي

[آهات حالمه]

دفاتر للوجع گلبي
يالمطرِّز حروفي بنار
مدري شلون
مشعل بالورق عفتك
حلم گتلك يريد هلال
وانت بكل ظلامك جيت
غيم اسود زرعت الليل!
كَسرَة گمر سالفتك

صدگ ما ظل؟
يابو تسيورة العميه
اخذ سچّينتك وارجع
ضحكتك ما موالمتك

مطر غيَّرهن عيوني!
گبل يالگبل گتلي عيونك تهمني

گمت ماشوفك الرسّام
ذاك الحافظ ألواني
هذاك الچنت لوحاتك بنفسج واشتعل بيها
اليجي والرايح يشمني
ولا ذاك الگبل تركض على دموعي
بچفافي الوانك تلمني ..
ولا ذاك الچنت أول مواضيعك
(ضوه وظل وهوا وشلال )شِتْبَدَّل؟
صرت بآخر اللوحه فراگ ترسمني

بعد ما إلي اويه خطوطك ولا شبگه
من اهد ما صار لون السكته يلچمني
وبقن دربين
واحد مات
أخذ درب الزعل وافتك
ومراجيح العشگ ضمهن
وراك وجوه
ما معلوم بلكت وجه باچر يفتهم قصتك

ولا اْنِصحك تبسّط بالچذب
والدنيا سوگ حبال
وانت سوالفك حدها لطرف شفتك

شلك وياي؟
بيّ عناد حجرة طين
من يتسودن جويريد
ويذبّل غنا الرمّان
بابي اعلى الشمس يفتك
واذَكْرَك
هم ترد باچر
تجر خيوط المعاتب
وتَحَوّل سهم بعيوني
وينشدوني
واگلّلهم ولا شفتك








ميثاق الهلالي

 

[وسيـم]

شكرا على الطرح

 

[آهات حالمه]

شكرا للمرور العطر
نورت

 

[ترانيم]

كلمات في غاية الروعه والجمال
وانتقاء ذو ذآآآئقه جميله
كل الشكر على طرحكِ الرآآآئع
وفي انتظار ابداعكِ القادم بكل شوق
لكِ وآآآفر التقدير والمحبه
تقبلي مروري المتواضع
في متصفحك