ذكريات حلوة :]
* كل ما تفوت طياره نكعد نصيح ونسويلهم " باي باي " ..
* تسألك امك ع الوقت !؟
تكولها : الجبير على اربعة والصغير على سته
* نحس بإنجاز وفرح وشي عظيم ..
إذا طلعت الشمس واحنه بعدنا ما نايمين
وانت صغير اكيد جنت تسوي وحدة من هالاشياء اذا مو كلهم :
1- جنت ترسم الشمس بزاوية الورقة ..
2- جان عبالك انو شكل القلب الحقيقي هيج .. ♥
3- جنت تسد باب الثلاجه شوية شوية..
بس علمود تعرف شوكت ينطفي الضوة " ذكاء " ..
4- حاولت توازن مفاتيح الكهرباء بين On و Off ..
5- لمن واحد من اهلك يريد كَلاص مي ..
لازم تشرب شوية وقبل ما تدخل تمسح شفايفك ..
علمود محد يعرف انو انته شربت من الكلاص ..
اكيد انت هسه دتبتسم على الايام الحلوة :]
واكيد هسه رجعت ضجت لان خلصت الايام الحلوه بسرعه ومحسيت بيه
