راجعلي بعد الهجر
ويكلي انسه المظه؟؟؟
ويكلي ردتك اخو
العشك وكته كظه؟؟؟
متندم عله الوفه
كلبك الغيري صفه
احساس ما وصفه
غدرك صبح موعظه؟؟؟
غدرك صبحلي درس
جرحك ترسني ترس
بحزاني اظل منحبس
لمن يحين القظه؟؟؟
يمت هيجيني الاجل
العمر صاير ملال
ظنيت حلمي كتمل
كابوسك اليقظه؟؟؟
فزيت منه برعب
وعشكك طلع بس لعب
ورحت اعتنيت الغرب
وعهدك الي ناقضه؟؟؟
انقظت عهدك الي
ونته اصبحت قاتلي
ابدا فلا ينجلي
حته الفرح باغظه؟؟؟
بعدك كرهت الفرح
وكليبي حيل انجرح
ما نفع بيه النصح
كالولي عشكك لظه؟؟؟
كالولي عشكك مرض
ينتشر طول وعرض
ظنيت عدهم غرض
طلعوا هل موعظه؟؟؟
طلعو يعرفونك صدك
علجرح طبعك تدك
وترتاح من اختنك
والجفن ما غمظه؟؟؟
ما غمظت والحزن
شمات فوك الفتن
وعيوني لمن عمن
رايدني انسه المظه؟؟؟
