رايدينك..

[العـ عقيل ـراقي]

رايدينك
تشگ زيج الليالي
وتلم إذنوبنه
وتطش أشواگنه
بعينك
حته لو يعتگ جرحنه
مامش وسافة
نظل للموت
مگابلينك
نحز لوزة غيابك
ونعثر جم مرة نعثر
بحجاية العاذل
وگال بايعينك
نرخص النفس
ونمرد واهس اگلوبنه
ونحزم كل ضحكة
فرحت اسنينك
تدري انگطع رزقنه
من بعدت ضحكتك
ولف دولاب البعد
وشكثر ظن بينه
ناسينك
چذابين ماطحنه
والنار التدنگ
ما تنطفي
وكلها اتصيح
بشوگهم حراگينك
يسمر يملون بلون السنابل
والسنين منجل
تجز بسنينه وتعمر
اسنينك
وناعور الحلم
أشكثر يترس ويبدي بينه
مثل موالم الجروح ملگاگ
ونظل للدوم متانينك
وحته بالحلفان اخاف احلف
بيك
حته لو صدگ
واگلهم كلهم اعزاز
بس انته گلبي
يعتنيلك
تبصملي بالعشرة
أنه ابصملك بكل السنين
يمن فدوة اتروح
لسنينك


26/08/2019
العـ عقيل ـراقي

 

[جنون العاطفه]

رد: رايدينك..

ابداااااع كلمااات روووعه
عاش نبض قلمك الرائع
ودي وعبير وردي

 

[العـ عقيل ـراقي]

رد: رايدينك..

شكرا لك عزيزتي
على طيب حرفك
والحضور
تحياتي مع الود
عقيل العراقي

 

[غمزة]

رد: رايدينك..

اسطر بديعة
سلمت اخي

 

[العـ عقيل ـراقي]

رد: رايدينك..

يسلملي حضورك
المتأنق بطيب عطرك
تحياتي
عقيل العراقي

 

[جوري.]

رد: رايدينك..

صباح جوريه حمراء
انثر اوراقها
لتعطر متصفحك
مررت من هنا
ففاح عطر
تميزك
وابداعك
تحيه وجوريتي

 

[العـ عقيل ـراقي]

رد: رايدينك..

شكرا لعطر جوريتك هنا
غاليتي على جميل حرفك
ورقته
كل الامنيات
عقيل العراقي

 

[رمااد اانسان]

رد: رايدينك..

اختيار موفق يستحق الشكر والثناء
ارق تحية

 

[قيصر الحب]

رد: رايدينك..

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[العـ عقيل ـراقي]

رد: رايدينك..

شكرا لكم احبتي
راقني حضوركم
كل الاماني
عقيل العراقي