ردني يم دكان ديرتنه القديم

[ابو مناف البصري]

ردني يم دكان ديرتنه القديم
روحي خضره وهايمه بذاك الزمن
وردلي درهم بي طعم من تعب ابوي
ويامراجيح التلمني بلا ثمن
افيش ياعطر الصبا كونك تعود
بروحي مرسه وميت إحساس السفن
ردني جاهل وألعب بنص الجهال
وردني طايش وأعشگ ابو الكلب الحنين
ردلي درهم وأشتري أحلام الزغار
وبلچي بين أحلامهم يطلع وطن.

 

[mohammed.shams]

شكرا للجهود المبذولة

 

[المشتاق]

ردني يَم دكآن ديرتنه القديم
لوحة في غآية الروعة والجمآل
سلمت يدآك بما جآدت وتجود
مِن عبق المآضي وعطره
للمزيد مِن جمآل الإبدآع وفن القصيد
تحيآتي ودعآئي
دمت موفق​

 

[ابو مناف البصري]

شكرا لمروركم احبتي ربي يحفظكم ويبارك بعمركم