روائع الشعر العراقي/كاظم اسماعيل كاطع/بعيونك بحر والبحر ماينقـــــــــــــاس

[ناطق العبيدي]

بعيونك بحر والبحر ماينقـــــــــــــاس

مايرحم غشيم ويجرف بمــــــــــــدة..

الغرك بيهن غرك والطاح بيهن ضاع

ومبخوت لي ايفوز او يطلع ابجلده

من شدة وسعـــــهن اشتبه واحتــــــار

ما اكدر اميز جفنـــــــة من خــــــدة..
او اذا مره بجت مو دمع منه ايطيح قارورة كحل على وجه تتبده

يالخزرة عيونك بيهة الـــــــف تفسير

جن لمـــــــة عشاير رايحة بهــــــدة..

وجن رمشك حرس واكف بالاستعداد

وجنة يصيح بينة اليوصل شحــــدة..

انت عيون عندك واحنة عدنة عيون

شجـــــاب المفتره للطايح بشــــــــدة..

من يوم الشفتهن كمت اشوف الناس

كلـــهم عالعموم عيونهم رمــــــــــدة..

 

[mohammed.shams]

شكرا على الحهود المبذولة

 

[ناطق العبيدي]

شكرا على الحهود المبذولة

اشكرك على مرورك الكريم