سالفة العجوز

[ابو مناف البصري]

سالفه ورباط(منقول )
سالفتنه

سالفة العجوز

يگولون وحدة من عجايزنا چانت تخاف من الموت ومن يموت واحد من قريتهم تبقى شهر تتراجف وتبچي ..
يمه شلوون بيه .. يمه وين اروح
هاي العجوز عدها وليد وحيد كلش يحبها ومداريها وشنهي التطلبه ينفذه الها
گللها يمه يابعد روحي مايصير هيج شسويلچ حتى ترتاحين
گلتله : يمه اريدك تاخذني على ديرة مابيها موت..هسه هاي بلوه
تعجب الولد وبقى محتار وين اكو ديرة مابيها موت ياربي
بس ماراد يكسر خاطرها صرو هديماتهم ونحرو يدورن على الديرة المابيها موت
وبقو اشهر يفترون بالطوايف وكل ديرة يشوفون بطرفها گبور اهاليها ..
لحد ماذبهم الوكت على ديرة ماشافو بيها گبور !
بعد ماضافوهم وعزبوهم اهل الديرة سألهم الولد
اكلكم اشو ماكو عدكم گبور؟
جاوبو اهل الديرة
گالو احنه ماعدنه موت ولا عدنه گبور
فرح الولد وامه وگال خوش هاي نهاية التعب وطحنه بديرة المابيها موت !
بنولهم بيت من گصب وعاشو مدة من الزمن مرتاحين الولد يطلع يتصيد ويرجع على اميمته العجوز ...
يوم من الايام طلع الولد للصيد وبالعادة من يروح يطول يومين ثلاثة
بهاي الفترة العجوز تمرضت وصخنت !
سمعت بيها جارتها وحشمت اهل القرية وچبيرهم
بعد ثلاث ايام رجع الولد من الصيد دخل لبيتهم ماكو امه سأل عليها
اجه چبير القرية وكاله امك تمرضت واحنه اليتمرض نذبحه وناكله ولان انت ابنها خلينالك حصة زينه من المرحومة !!
طلعو اهل القرية ماعدهم گبور لان ميتهم يتگابلون عليه وياكلونه ...
شاهد سالفتنه ورباطها
هسه
وين اكو ديرة مابيها موت بس المارضى بموت رب العالمين طلع وماالتزم ومات بالكورونا حتى مايوگفون اهله على جنازته !!
خويه سرير البيت افضل من سرير المستشفى وضيق الرزق افضل من ضيق التنفس والحظر في بيتك مع اولادك وعائلتك افضل من العزل لوحدك
فقط قل الحمد لله

 

[mohammed.shams]

رد: سالفة العجوز

لجهودكم باقات من الشكر والتقدير
على المواضيع الرائعه والجميلة

 

[عطري وجودك]

رد: سالفة العجوز

موضوع رائع
تسلم الأيادي
ربي يعطيك ألف عافية
لروحك الفرح.​

 

[قيصر الحب]

رد: سالفة العجوز

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[صوُتْ آنثوّيْ]

رد: سالفة العجوز

مجهود قيم
وطرح مميز
كل الشكر لك

 

[عديل الروح]

رد: سالفة العجوز

فعلا قصه لها عبرة
وعبرتها ما نمر بهِ اليوم من وباء
احسنت النشر
دمت بالف خير
تحياتي

 

[جنون العاطفه]

رد: سالفة العجوز

قصه كووولش عجيبه
عاشت ايدك ع الطرح عمووو
الف الحمد لله والشكر

 

[mohammed.shams]

رد: سالفة العجوز

لجهودكم باقات من الشكر والتقدير
على المواضيع الرائعه والجميلة