سالفه ورباطها

[ابو مناف البصري]

جلب الحايج
عدنا جماعة مثل (جلب الحايج)أجلكم الله .
سالفة چلب الحايج اجلكم الله
يكولون يوم من الايام هجم ذيب على قرية وهاي القرية اغلبهم غنّامة عدهم غنم ، طلعت الچلاب (أجلكم الله ) مال القرية وره الذيب وهو يركض تكرمون والچلاب تركض وراه وبعد ما تعبت الچلاب رجعت للقرية إلا چلب واحد ضل يطارد بالذيب وهناك تعب الذيب ...
فوگف وگال للچلب ، انت چلب صاحب الغنم ؟؟؟
گاله : لا ...
الذيب گاله أنت چلب شيخ القرية ؟؟
گاله : لا ....
كاله : انت چلب ابن الشيخ ؟؟؟؟
كاله لا ..
الذيب گاله چا أنت چلب منو خبلتني !!!!
گاله أني چلب الحايچ ...
كاله الحايچ عده غنم ؟؟
كاله لا ولا صخلة عده ...
كاله الذيب : زين الغنّامة من يذبحون هم يطونك عظمه لحيمه ؟؟
كاله لا ماينطون بس لچلابهم ...........
فگاله الذيب :- ولك چلب ابن الچلب اليوم أسويك ثريد وعبرة لكل چلاب الديرة صارلك ساعة تركض وراي والحايج حتى صخلة ماعنده وكلشي مامحصل منهم ؟؟؟؟؟؟؟؟؟؟
#رباط_السالفة
-أكو جماعة عدنا يدافعون عن السياسيين والشخصيات الفاسدة وهمه كاتلهم الجوع وحتى صخلة ماعدهم وكلما واحد يكشف اهمالهم وتقصيرهم وفسادهم تشوف چلب الحايچ يثور ويدافع عنه ويطلعه بس هو وبس
أركدو شوية وحيروا بعيشتكم ولاتصيرون مثل چلب الحايچ ملوبح روحه وهوه خبزه ما محصل
وياريت مستفادين منهم.. . عايشين عيشة الذلة

 

[✿قہہمہہر✿]

هههههههههههه اي والله

 

[اناستازيا]

هههههه شكرا

 

[سيد الكلمات]

أحسنت النشر

 

[ألـــــ غصة ـــــــم]

سلمت يداك غالي عمو

 

[ابو مناف البصري]

دووووم الضحكه يارب
ربي يحفظكم ويبارك بعمركم ويعطيكم الصحه والعافيه وطول العمر

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي