سهرت بليلي اكتب والشعر سهران
كافر يعتنق وبذمة الاسلام
ماحنيت انتة ولاسألت اشبيك
معقولة بسهوله نسيتهة الايام
اذا عندك بسيطة تهون وبساع؟؟؟
انه عندي خطيئة وتحمل آثام
ماازعل بعد لاانقهر فد يوم
ومالوم بزمانك وابد ماتنلام
صحيح تحبني انتة واشهد بهاي
لكن مو حقيقة وطلعت اوهام
بيدك خربت كلشي انه سويت
شككت الورق كسرت الاقلام
صرت عالي علي مليتني بساع
وخليت الغرور بصدرك وسام
مادامت لاحد لاتظنهة تدوم
ولاترمي بصخر يالبيتك الجام
