شعر شعبي بنكهة هزل

[قاص الاثر]

السلام عليكم
افتتح هذه المدونة بتاريخ
24/ 10 / 2019

وستكون جامعة لكل ما اكتب
وأن كل ما ينشر هنا هو بأحساسي
وبقلمي او مقتبس بتصرف

مودتي للجميع

alaa lovly

 

[قاص الاثر]

رد: شعر شعبي بنكهة هزل

بيضة وجبيرة وناعمه
وبراسي ضلت هايمه
وتريد تهديلي العمر
ياربي كونج سالمه
لا فرق حطت بالعمر
لاطول حسبت لا كصر
بس اني رايدلي صبر
ياربي تطلع فاهمه
من تحجي يكتلني الخجل
ويصير بأعصابي شلل
معقوله من عندي الخلل
لو هيه اصلا راهمه
وتكول بس احلامي الك
يوميه ليلي اتصورك
يا فلك طرني يا فلك
يالبيه دومج حالمه .

 

[قاص الاثر]

رد: شعر شعبي بنكهة هزل

يا سمينه ياسمينه x_x


حمدي الله وكمت أحبج
وأنتي بي مشتمل كرشج
واني مأبين بصفج
حمدي ربج ياسمينه
أنه أدور بس حرش
وأنتي نص وجهج كرش
وحته ما عندج رمش
حمدي ربج يا سمينه
عدهه جف لا مو طبيعي
جنه فلكه الب الربيعي
روحي حب هناك بيعي
حمدي ربج ياسمينه
جتي تركض بس عليه
تكولي انه اجنبيه
شنهو ما حسيت بيه
حمدي ربج ياسمينه
وكامت تسفط حجي
يمته أشوفك ماتجي
روحي ذبلهه البجي
حمدي ربج ياسمينه
واني شو خذني الحماس
و عشت ويه الحب تماس
وكمت أجر كوه الانفاس
حمدي ربج ياسمينه
و كلت ياربي عليك
الرحمه اطلب من أديك
أني كل أمالي بيك
أنه أخابر هيه طلعت
و العجب بابين فتحت
والتكتلك هيه فزت
حمدي ربج ياسمينه
الله يا كيدج عضيم
و مانفع بيج الرجيم
يلي أسلوبج عقيم
جذبت كالت رشيقه
وأني حبوبه و أنيقه
وأزيد علمك هم رقيقه
أخاف ما أوصل السوك
هناك كالو أكو بوك
وألله يسترني من فوك
دبه منهو يبوك دبه
والخشم يا ربي كبه
خفت عابت هيج ركبه
تواسي بال يؤيؤ همومه
والتؤبشني تكول كومه
تالي طلعت جنهه بومه
حمدي ربج ياسمينه