[شعر شعبي] تكلي انساني

[حكاية روح]

[شعر شعبي] تكلي انساني

​

تكلي انساني

تكلي انساني ما انفع بعد وياك
واني ويه الوجع بجروحي ضميتك
دفهمني وكلي اشلون راح انساك
واني بنص نبض اشواكي خليتك
بعد مافرحت كلبي وعشت بأحلام
وانته بلحظه هديت الحلم بيدك
اول ماعرفتك كوه كلبي ينام
واخر شي تكلي روح ما اريدك
شسويلك وانت وياي ضالم دوم
وعلى جرف الصبر بجروحي تانيتك
ولامرة ذكرت الحبك وخلاك
بنص جفون عيني وكلبي سميتك
مليتك ابد لتكلي هاي ارجوك
امل من روحي ولافديوم مليتك
شحجيلك حبيبي وشرد احاجيك
على جروحي الغفت بأحظاني شحجيلك
تداويني بجرح واني العشتلك دوم
وسهرت اكبال جرحك لمن داويتك
تسميني بغرامك صرت مجنون
واني اشواك كلبي بعشك سميتك
جرحت الكلب من كتلي راح انساك
وروح ودور انته غيري ليفيدك
ابد مايوم كلبك حنلي واشتاك
وانه ويه الكلب بشواكه شديتك
تجيني بلاسبب تجرحني وتروح
وترد اتكلي بالله اشلون تاليتك
تدري من مشيت الكلب راح وياك
وصديته وانه المايوم صديتك
شسولفلك واذا احجي اريد سنين
وانه امشي حبيبي اعله الجمر جيتك
شسويلك على همومي الجت منك
على جروحي وعذابي شرد اسويلك
وبعد مافاض بكلبي حبيي الشوك
ترجيتك واجيت بروحي حاجيتك
ممصدك تره رجعتنه الايام
وكمت بوسط حضني تنام غفيتك
انه الوديتلك كلبي العشك الجروح
وكتلك علجروح برحمه وصيتك
ماجنت اني اضنك انت هيج وياي
تواعدني بوعد وبجرح تنفيذك
ما اريد انه اسولف واحجي للناس
شسولف واني موت بكلبي حبيتك
[/gdwl]



راقت لي
اختكم زهرة عراقية

 

[Another world]

رد: [شعر شعبي] تكلي انساني

دائماً أجد هنا جمال الحرف
وسحر المعنى
لك مني كل التقدير والإعجاب
على ماتنثره أناملك المعطاء
دمتي بخير ..,​

 

[شواطئ الغربه]

رد: [شعر شعبي] تكلي انساني

**
تَسلٍـم ألايادي

الله يـ ع’ـطيك الــ ع’ـافيه
ما ننح’ـرم منكي يارب
بانتظـار ج’ـديدكي
**

 

[حكاية روح]

رد: [شعر شعبي] تكلي انساني

منورين المتصفح شكرا لكم
احترامي

 

[الشاعر الرياضي]

رد: [شعر شعبي] تكلي انساني

تكلي انساني ما انفع بعد وياك
واني ويه الوجع بجروحي ضميتك
دفهمني وكلي اشلون راح انساك
واني بنص نبض اشواكي خليتك

الله اله
دوما مميزه فى انتقائك
كم راقت لى كلماتك الجميله يلغاليه

 

[حكاية روح]

رد: [شعر شعبي] تكلي انساني

منور المتصفح
عمي الغالي لاتحرمنا
طلتك
شكرا لك