هلالين مشمش
آه يل كَلبك مغوّش
كلّش ولا جنك آنت
هايم هناك بسراب وجوه ...
ذاك الصوب ...
يل مايك يعطّش .
ناسي كلّش .
من جذب ما سيّست لي ...
بظهر موجة ماي شمعة .
يا غواش شطلع بينا ؟
وشلكَيت بصوبنا وكَلبك جفل ..
والخوف ما خلّاك ترمش ؟
كلّش ولا جنك آنت .
كَبلما تعبر لكَيتك ،
شفتك تحاجيني سكته ،
وآسمع عيونك تكَلي ..
لا تعاين لي ...
ضوه عيونك يخرمش ،
وغمّضتها لخاطرك حدما مشيت ،
وآعبرت من غير صفنه ،
بس جنت كلّش مريّش .
ماخذك واهس لذاك الصوب تلعب ،
جنك زغيرون باهش .
شلون يحلالك آتغرّع وانا مامش ،
وغير آصابيعي بعناكَيدك تكمكش ؟
وانا آلي بنفنوفك شجم ورده بيضة ...
وغصن من بستان روحي وجم فراشه
وعلى شفافك ...
طابع هلالين مشمش ؟
آه يل مايك يعطّش ،
ما مشيت آويا الهوى باليرضي ألله .
وانا من طعمك شرايد ؟
أنا من طعمك طلبتي شواي كلّش .
مالي بعثوكَك طمع ...
بس ردتك آبيض ،
لكن آنت ، آه منك ،
آه يل كلّك مغوّش
القصاب
آه يل كَلبك مغوّش
كلّش ولا جنك آنت
هايم هناك بسراب وجوه ...
ذاك الصوب ...
يل مايك يعطّش .
ناسي كلّش .
من جذب ما سيّست لي ...
بظهر موجة ماي شمعة .
يا غواش شطلع بينا ؟
وشلكَيت بصوبنا وكَلبك جفل ..
والخوف ما خلّاك ترمش ؟
كلّش ولا جنك آنت .
كَبلما تعبر لكَيتك ،
شفتك تحاجيني سكته ،
وآسمع عيونك تكَلي ..
لا تعاين لي ...
ضوه عيونك يخرمش ،
وغمّضتها لخاطرك حدما مشيت ،
وآعبرت من غير صفنه ،
بس جنت كلّش مريّش .
ماخذك واهس لذاك الصوب تلعب ،
جنك زغيرون باهش .
شلون يحلالك آتغرّع وانا مامش ،
وغير آصابيعي بعناكَيدك تكمكش ؟
وانا آلي بنفنوفك شجم ورده بيضة ...
وغصن من بستان روحي وجم فراشه
وعلى شفافك ...
طابع هلالين مشمش ؟
آه يل مايك يعطّش ،
ما مشيت آويا الهوى باليرضي ألله .
وانا من طعمك شرايد ؟
أنا من طعمك طلبتي شواي كلّش .
مالي بعثوكَك طمع ...
بس ردتك آبيض ،
لكن آنت ، آه منك ،
آه يل كلّك مغوّش
القصاب
