لكيتك تكتب بروحي
كل نقشات المحاضن
وتقراني بلايه اسطور
وشكثر أمنت بيك
وبشفافك الحلوات
وشكثر غفت عيني
بين نهران المحبة
وحيرتني قلادة تلعب
من بين نهرانك
وانه مثل ازغير
متيه لعبته ومبتلي
بلعبات شذرات قلادتك
ولمينه بذيج الظلمة
كل رعشاتنه الزغيرة
[/url][/IMG]
واحلمنه بالواهس
يروح ويرد
يحمل شهكات بيض
لله تدعي
هلبت ينزل نده تالي
الوكت
هلبت نسمع آلاه الثكيلة
هلبت بكل وكاحة
نشبج كل وكاحتنه
بصبيرة حمرة
شهكة مستحه وصفنة القداح
يتلاله فوك صدرك
جن إنجوم يابو إنجوم
والكمر هٌد كل سواجيه
هلبت تنبع الوردة
يا عمر الورود
ياطيب البنفسج
يا أول ليالي حنيني وحبي
أشتهي حضنك بطيب خاطر
واشتريك برفيف الروح
ياصحوة شتة ولمت النعناع
تدري من اشوفك
يفرح كل الشوق بقليبي
ويفرفح بروحي طعم
البساتين
وريحة الرزاقي
تعرف من أصفن
أشوفك مهرة ليلة
مجودحة برسنها
تريد تظهر
[/url][/IMG]
وأنت شمسين وكمر
بطيب جسمك
على ياهي تحاسبني
على المغازل بطارف
إنهيدك لو بحر خصرك
وأنته البيك والما بيك
يوج بشتاي جمر
ويعن علي سلسال
الغفه بين اخدود
عرشك..
