شهگة برنو..

[العـ عقيل ـراقي]

ممنوع​

أوف شحلات الممنوع​

وياك​

بزوية الليل نهد ابحور..​

ونرسم اشموس الصبحية​

بخديدك​

ونضوگ بشفافك البرحيه​

وبصوتك بحة​

صده بين​

الگصور​

ونتلاوه ملاوه وي الشوگ​

ويطشنه إرذاذ عنبر فوگ​

بين انهيدك والشذرة​

وألتف بينهن لفت​

الناعور​

لاني مبدي ولاني غارف​

بس يكفيني اتنومس بعطرهن​

چن عنبر غافي امن اسنين​

وبترفهن مسحور​

وبصدات اعيونك​

خزرت برنو​

تكتلك بأول رميه​

چنها اطلابة وما تنحل​

وبلمعتهن روح اتشوغ​

وتشهگ وتحمر كل اخدود​

الگمريه​

وحگ الحمزة ورطة​

اتورط گلبي​

وسولف​

بس من الله طشت​

كل البيها وخضر بروحي​

برحية​

ممنوع أتگرب​

داير مندايرها​

اعيون اتخرمش​

وهي النسمات​

تاذيه​

أبين اصابعها ترف دنيه​

ومشابگ الفخاتي التاه​

تاه وما عرف​

عشه​

وانه عالطولك​

أبدي العيون ونظرها​

وإگدار إگدار​

على گد طولك أرد​

اردود بوسات للميه​

واغلط واعيد احسابي​

من جده وجديد​

وأگلگ يا حلاتك​

يا شهگة الصبحية..​

​

​

23/12/2022​

العـ عقيل ـراقي​

​

​

​

 

[جنـوبـيـة♡]

وبصدات اعيونك

خزرت برنو

تكتلك بأول رميه

چنها اطلابة وما تنحل

وبلمعتهن روح اتشوغ

وتشهگ وتحمر كل اخدود

الگمريه

وحگ الحمزة ورطة

اتورط گلبي

وسولف

بس من الله طشت

كل البيها وخضر بروحي

برحية

ممنوع أتگرب

داير مندايرها

اعيون اتخرمش

وهي النسمات

تاذيه

أبين اصابعها ترف دنيه

ومشابگ الفخاتي التاه

تاه وما عرف

عشه​

​

هالله ... هالله

عاشت الانامل الي خطت هالابيات الجميلة

 

[العـ عقيل ـراقي]

هالله ... هالله

عاشت الانامل الي خطت هالابيات الجميلة

الله الله
لجميل حضورك وكلماتك
كل الامنيات
عقيل العراقي