أضيع ابهيمة الأفکار و اتعثّر
شوصفنّك؟
رجف بيدي القلم محتار و إتعَذّر
يخط عنّك...
علي لو ردت اوَصفك أَنتهي وياي...!
المطر وكت الحصاد ايوصّف الغيم...
یالاجدامک تربها ایشید الأمجاد
يابوتراب انت ابوالمجد و أَبو الشیم..
تغمّد صارمك برگاب الأرجاس
قصور اعداک بجدامک تذل هیم
یه مَن ذچرک دوة الجرح المساکین
و یه مَن ذچرك يراوي العادتك،ضيم
يَفقّار استفز الأقدار ، من تُشهَر
رعد چنّك...
و عزريل اليقَدْم أعذار اذا حيدر
رجز، فنّك ...!!
جنين انت و يضيفك ربّ العباد
و مو باب انفتح، شگّالک جدار
یلوذ المصطفی ابزودک إصغیرون
صغیر الجیش بس امخورس اکبار
اذا طاري العلم ينجاب ، قرآن
اذا قصّة حرب تنجاب، كرّار...
مواضيع الكرم اسمك لها كْتاب
کتاب ابظهره مكتوب الحسن صار
يه معنىَ الليل بالإسرار، يالتستر
خفي مَنّك
ترة الكون الشمس تذكار، من اضطر
اخذ منّك...
*
يقيسون الزلم بأفعالهم كون
علي لكن محالة ابفعلة ينقاس
لئن بس الله يگدر للیسوّیه
لهذا انخاف نحچي و تشرك الناس!
علي يكفي المديحة انگلّة ابوحسين
منو اليخلق بطولة شبله عبّاس ....
علي إمراية محمّد صار ،بل اكثر
و ازيدنّك
علي ايد الله و المختار، والله انسر
اذا حَنَّك...
علي العاداك من صيتك مِلَك جاه
الثلاث اعداك انت انطيتهم شان
علی سماط الغدر و ابچتلک امتاز
ابن ملجم فضالة يا جدر چان؟!
يابو السبطين محرابك يحن ليك
صريخ اهل العرش نسمع بالآذان
تعال الليل وحشة ابعين الأيتام
بدر چفّك تنطرة اهواااااي بيبان...
يبو الحملة الگلب شب نار، و اتوذّر
و أسمعنّك
توصّي الكافل القهّار ، والخدّر
يشدهنّك...
يشيّب مهجة الأحجار...هالمنظر
صعب لأنّك
أهیم إبكتبتي و أحتار وأتكسّر
شوصفنّك؟ شكتبنّك شعرفنّك
رجف بيدي القلم محتار و اتعذّر
يخط عنّك...
لشاعرها حيدر الحداد الكربلائي
شوصفنّك؟
رجف بيدي القلم محتار و إتعَذّر
يخط عنّك...
علي لو ردت اوَصفك أَنتهي وياي...!
المطر وكت الحصاد ايوصّف الغيم...
یالاجدامک تربها ایشید الأمجاد
يابوتراب انت ابوالمجد و أَبو الشیم..
تغمّد صارمك برگاب الأرجاس
قصور اعداک بجدامک تذل هیم
یه مَن ذچرک دوة الجرح المساکین
و یه مَن ذچرك يراوي العادتك،ضيم
يَفقّار استفز الأقدار ، من تُشهَر
رعد چنّك...
و عزريل اليقَدْم أعذار اذا حيدر
رجز، فنّك ...!!
جنين انت و يضيفك ربّ العباد
و مو باب انفتح، شگّالک جدار
یلوذ المصطفی ابزودک إصغیرون
صغیر الجیش بس امخورس اکبار
اذا طاري العلم ينجاب ، قرآن
اذا قصّة حرب تنجاب، كرّار...
مواضيع الكرم اسمك لها كْتاب
کتاب ابظهره مكتوب الحسن صار
يه معنىَ الليل بالإسرار، يالتستر
خفي مَنّك
ترة الكون الشمس تذكار، من اضطر
اخذ منّك...
*
يقيسون الزلم بأفعالهم كون
علي لكن محالة ابفعلة ينقاس
لئن بس الله يگدر للیسوّیه
لهذا انخاف نحچي و تشرك الناس!
علي يكفي المديحة انگلّة ابوحسين
منو اليخلق بطولة شبله عبّاس ....
علي إمراية محمّد صار ،بل اكثر
و ازيدنّك
علي ايد الله و المختار، والله انسر
اذا حَنَّك...
علي العاداك من صيتك مِلَك جاه
الثلاث اعداك انت انطيتهم شان
علی سماط الغدر و ابچتلک امتاز
ابن ملجم فضالة يا جدر چان؟!
يابو السبطين محرابك يحن ليك
صريخ اهل العرش نسمع بالآذان
تعال الليل وحشة ابعين الأيتام
بدر چفّك تنطرة اهواااااي بيبان...
يبو الحملة الگلب شب نار، و اتوذّر
و أسمعنّك
توصّي الكافل القهّار ، والخدّر
يشدهنّك...
يشيّب مهجة الأحجار...هالمنظر
صعب لأنّك
أهیم إبكتبتي و أحتار وأتكسّر
شوصفنّك؟ شكتبنّك شعرفنّك
رجف بيدي القلم محتار و اتعذّر
يخط عنّك...
لشاعرها حيدر الحداد الكربلائي
