تروي علي بشويش يم العيون الحور
عساني فدا نظرتك ماني فدا غيرك
علي حسنك الطاغي علي رمشك المغرور
انا راضي بشرك وانا راضي بخيرك
اذا اقبلتي بزينك تصيب الرقاب كسور
يسبحان من صورك واحسن بتصويرك
حضورك اذا جيتي ساكن بلحضور حضور
تسلطنتي بزينك , وعقلك وتفكيرك
تري وجنتك كنها شعاع علي البلور
وانا الهايم الي صاير تحت تاثيرك
علي غصنك الوارق يغني مية عصفور
ياحظ الغضون الي تجمع عصافيرك
جمالك طبيعي ماهو مجمل بديكور
تباهي وحسادك وتقوي بتصغيرك
تفرعن جمالك فوق كل النساء البدور
عليك الله اكبر مابقي شي ايثيرك
مباهير زينك تشبه اللو المنثور
وانا عارف قهوتك واعرف مباهيرك
خجولة طبايع ما تعرف الكذب والزور
هذا الي رفعك وزاد قدرك وتقديرك
حوالينك اببني واشيد عليك السور
وعن نظرة المذهول وري بتسويرك
