صدك طلعت( حصريا لفخامة العراق)

[الشاعرعامرالعراقي]

صدك طلعت


صدك طلعت
هذيج السالفة الكالوها عنك
خفيف وكل صفاتك اخف منك
مامجبور ترخص يالجنت غالي
شجاك ورخصت للناس لحمك
مايرهم عليك اي كلمة تغتال
حرام اكتب حرف ويموت لجلك
اثر منك بهدمي وخفت ميروح
احركت هدمي الحمل كل اثر منك
مرض بية جنت ماريدك اطيب
عوضني الخلقلي اللي يقلعك
سودة مصخمة كل ساعة وياك
جبت ساعة جديدة حتى اضيعك
امي اتكلي لاتتبع اللاحوك
وصير انت العجيد ابين ربعك
وانت ..
ااي انت الك داهين الحروف
حروف الكرمتهن يوم لجلك
جنت اختارهن من البساتين
وردة وجمبدة وقداح واهديك
صرت فلاح بس غدرك احصدة
لان انت الزرعتك لازم اجنيك
باوع بين ربعك ياهو وياك
اشو كلها تكرهك حتى اصبعك
المايزرع ورد مايلكة شمام
يالمعفن ولك منهو اليشمك
شفتة الفرق بيني وبينك هواي
بعيون القروا اسمي وية اسمك
كالوا مايليق تربطة وياك
هذا الجنت تحترمة ويذمك

بقلمي
عامرالعراقي

 

[مغلق]

رد: صدك طلعت( حصريا لفخامة العراق)

شكـرَاًً عَے المجَهُهود s=151 s=151

 

[اموري العراقي]

رد: صدك طلعت( حصريا لفخامة العراق)

جميل .

عاشت ايدك

اخي عامر.

 

[أم السادة]

رد: صدك طلعت( حصريا لفخامة العراق)

كلماتكم فاقت الروعة والجمال
عاشت الأنامل التي خطت وأبدعت
مثل هالكلمات،،

 

[صوُتْ آنثوّيْ]

رد: صدك طلعت( حصريا لفخامة العراق)

شكرا لك من الأعماق على نقاء قلبك الجميل
اللذي أظهر لنا هذآ الجمال ~​

 

[اماندا]

رد : صدك طلعت( حصريا لفخامة العراق)

حروف ترجلت على
أرض الابجديات فصدحت
بغناء جميل..

اعجابي ونجومي ووافر امتناني اخي الكريم

 

[قيصر الحب]

رد: صدك طلعت( حصريا لفخامة العراق)

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير

 

[استاذ العاشقين]

رد: صدك طلعت( حصريا لفخامة العراق)

صرت فلاح بس غدرك احصدة
لان انت الزرعتك لازم اجنيك
باوع بين ربعك ياهو وياك
اشو كلها تكرهك حتى اصبعك
-------------------------
الله عليك يا عامر

كلام جدا رائع .بوركتَ يا راقي