صفنــــــــــة ليـــل ....!!
أدوخ الليل صفنه بأثر صفنات
وأحسب هم يجي يوم نتلاگه
انه بگلبي ورم مليان چويات
وادري بدرب حبنه كله مزلاگه
رهنت روحي وردت يوصلني خطار
أجاني وگلبي بالبسكوت باگه
يمته تشع شمسنه وينجلي الليل
ونگعد يا حبيبي بوسط مشراگه
تره العنده همومي يعيف دنياه
الجرح وهمومي صارن علي طباگه
شسولف والجرح نافوره لساع
يمشي بروحي مشية عرجة الناگه
توهمت وصرت طيب فرد نوب
ماأدري الحـلوك چفوف دگاگه
ذبحت عيوني لمن جفت دموع
وگلت تنزف دماي الروح مشتاگه
أثاري إلي أحبهم چن بحـر غدار
خذو مني السفن واني أسبح براگه
لتأمن بعد وتحب وســـيع العين
تجيك جــيوش هجره كلها تفاگه
منقول
