صورة تتكلم

[ابو مناف البصري]

. (صورة تتكلم )
حيوان وخجل بس انته ماخجليت
رافع جفك ومتباهي بالبوگه
صدام انتها لازملي معول ليش
وتشوف أبتلاء وكاع محروكة
تريد الوطن يصحه وأحنه ساس الظيم
زرعينه الحرام ونبت بعروكه
خليناها سكته وكلنه بلكي تهون
ماندري الصراير كلها مفتوكه
هاي اسبابها لتكلي ليش وليش
احنه الي بدينه وبگنه من سوكه
ولهذا نشوف الخير من بعيد
لانتلمسه لانكدر نضوگه
عمر جبناه الم وهموم فوگ هموم
نركض والأجدام بكلشي مسبوگه
دفعنه الثمن غالي من الصنم لليوم
خبزة بلاطعم والنفس،مخنوگه
الشاعر حسيب المالكي

 

[ملاك الحب💕]

يعطيك العافية على هذا الطرح المميز