صووت الشمس
كلمن باصلة يعمل لازم يعلموه
اهلة على الوفة
وبالصبر يتحلى
...
ويكلولة الجفوف اطّيـــح الفنجان
ومن جف الجمر
ماتوكع الدلة
...
التكودة من ادية لتكلة انا امدليك
خاف يمن عليك
ايكوم يتبلة
...
اليكلك جنت لتسمعة لمن جان
مو من الفعل
من الحجي تملة
...
سيفة البالحرب عصا متاع يصير
زحمة ابين اخوته
وبالشقا ايسلة
...
الحر حر الطبع لتغرك الاشكال
وميذل العبد
لو مارضع ذلة !!
...
لتدور نزاهة بروح مثل ابليس
اكلبة شماتكلبة
بكل طرف خلة
...
ترة الطيب كلب
لو روحه دولة وجيش
ولله بكلمة طيبة
بلحضة تحتلة
...
وامشي وي اليحبك مثل ميماشيك
وبلحضة غضب
لا تحسب الزلة
...
احسب باجرك لتكول بس اليوم
اكل لهذة هيج
وذاك ماكلة
...
باجر بس ورق بس يمشن الاقلام
وتبقى شخلّة هذة
وهذة الة شخلّة
...
الماضاك العنب بالعزّة ماخسران
وعمت عينة بمذلة
التارس السلة
...
لا تركض عبث والحلم بالتكوين
حلم الماوصل
لتروح توصلة
...
واخلف شورهم كلهم خذيت الشور
العقل من غير شورك
غلط تقبلّة
السمع صوت الشمس يندلهة تطلع وين
ودرب صوت الشمس
عميان تندلة
ولتضل تلتفت
مرة على هاذة وذاك
وتشد لهذا راس
وذاك الة اتفلّة
يم باب الصبح
لتّني يطلع نور
لو تمشي بستر
لو كوّة تدخلّة
...
صوتك مو جذب لا تشتريلة جناح
وباللسان الصدك
للغيم يتعلة
...
انت البيك واضح بس عقول الناس
تريد بجف غموض
الواضح اتحلة
ضل انت على حالك هاذة حالك دوم
ضميرك بي ملك
وعليك يتولّة
...
والبروحه جبل ميهمة من تصير
تلة وجوه رجلة
من امّدة التلة
...
والمخلّـص العمر خطواته بالصعبات
ميتوسل شدد
بالصعبة تسـهلّة
...
الشمع لو يبقى طافي الظلمة ماتكضيه
شعل راسة الضوة
ويدري الضوة ايسلّة
...
ولمن تشتعل لدكول بي النار
واليسألك شلونك تدري شتكلّة ؟؟
....
كلّة هنانـة ضلي
وآنا ضل هناك
ونار اليشتعل متين بالضلة
...
وانت تعلمت من يوم عشر سنين
الوكــت خيط المصايب
وانت تغزلة
...
للمبدع الأنيق
جبار رشيد
كلمن باصلة يعمل لازم يعلموه
اهلة على الوفة
وبالصبر يتحلى
...
ويكلولة الجفوف اطّيـــح الفنجان
ومن جف الجمر
ماتوكع الدلة
...
التكودة من ادية لتكلة انا امدليك
خاف يمن عليك
ايكوم يتبلة
...
اليكلك جنت لتسمعة لمن جان
مو من الفعل
من الحجي تملة
...
سيفة البالحرب عصا متاع يصير
زحمة ابين اخوته
وبالشقا ايسلة
...
الحر حر الطبع لتغرك الاشكال
وميذل العبد
لو مارضع ذلة !!
...
لتدور نزاهة بروح مثل ابليس
اكلبة شماتكلبة
بكل طرف خلة
...
ترة الطيب كلب
لو روحه دولة وجيش
ولله بكلمة طيبة
بلحضة تحتلة
...
وامشي وي اليحبك مثل ميماشيك
وبلحضة غضب
لا تحسب الزلة
...
احسب باجرك لتكول بس اليوم
اكل لهذة هيج
وذاك ماكلة
...
باجر بس ورق بس يمشن الاقلام
وتبقى شخلّة هذة
وهذة الة شخلّة
...
الماضاك العنب بالعزّة ماخسران
وعمت عينة بمذلة
التارس السلة
...
لا تركض عبث والحلم بالتكوين
حلم الماوصل
لتروح توصلة
...
واخلف شورهم كلهم خذيت الشور
العقل من غير شورك
غلط تقبلّة
السمع صوت الشمس يندلهة تطلع وين
ودرب صوت الشمس
عميان تندلة
ولتضل تلتفت
مرة على هاذة وذاك
وتشد لهذا راس
وذاك الة اتفلّة
يم باب الصبح
لتّني يطلع نور
لو تمشي بستر
لو كوّة تدخلّة
...
صوتك مو جذب لا تشتريلة جناح
وباللسان الصدك
للغيم يتعلة
...
انت البيك واضح بس عقول الناس
تريد بجف غموض
الواضح اتحلة
ضل انت على حالك هاذة حالك دوم
ضميرك بي ملك
وعليك يتولّة
...
والبروحه جبل ميهمة من تصير
تلة وجوه رجلة
من امّدة التلة
...
والمخلّـص العمر خطواته بالصعبات
ميتوسل شدد
بالصعبة تسـهلّة
...
الشمع لو يبقى طافي الظلمة ماتكضيه
شعل راسة الضوة
ويدري الضوة ايسلّة
...
ولمن تشتعل لدكول بي النار
واليسألك شلونك تدري شتكلّة ؟؟
....
كلّة هنانـة ضلي
وآنا ضل هناك
ونار اليشتعل متين بالضلة
...
وانت تعلمت من يوم عشر سنين
الوكــت خيط المصايب
وانت تغزلة
...
للمبدع الأنيق
جبار رشيد
