طين خاوه

[سيد الكلمات]

طين خاوه.....

........................................... .
ماتنعد اهمومي صارن اهواي
واشوفن حيلي مو ذاك البعد يحمل
حجي البطران هذا المرد اجلاي
يذب اللوم بيه وبس يظل يعذل
أنه.ابير الصبر متكطع ارشاي
يوسف قابل اني أوحي ليه ينزل
حسباله بعدني ابحيلي وصباي
والاويه للوكت مايدري متعلعل
واتوجه أصبحت وشلون بلجاي
وتتخالف اجدامي بمشيتي واكزل
وتاه الفكر مني امضيع الراي
حبل صبري كصير وماظن يوصل
انه بهيمه أصبحت من بسمع انداي
واظلن بس ومي واتخيل المجبل
اروح الذيج لو أردن لعد هاي
اخو ماظل بعد لاظل بعد كل خل
صرت هايم بصحره ايدور افياي
وشمس الكيض فوكي منين اجيبن ظل
واذا صيفي عملته اشلون بشتاي
وأنه الروحي ابيه المارضت بلذل
راجعت النفس وتحملت هاي
مطر صيف اعتبرهم وماظن اتبلل
ماهمن بعد علصار اوياي
مثل الصين خاوه ويرهم اعل الكل
بعد بيدي الرسن ليش افكد الراي
خل تبقه حماده والهه اصيرن صل
خلهه يعوز عفه اتصير دنياي
ولا باطل اريدن من يشد ويفل
وياي الوكت دكات اله اهواي
ما امنه لون عشره الشمع يشعل
ولون عد اليضدني صاير ادواي
اطلكها الجروح.والهه ابد ماشل
من يكظن اسنيني اشينفع اغناي
اكظنه الجدم لو ساعه راد يزل
واذا شامت تعمد رايد ابجاي
لغير احسين دمع العين ماينزل
وحق الي مشتله الناس حفاي
تحملت الصبر بس منه ابد مامل
وبس الباري هو ايصير رجواي
كريم وبلعدل يمهل ولا يهمل

م.

 

[اناستازيا]

جميل
شكرا

 

[سيد الكلمات]

الأجمل
هو مرورك العطر

 

[فتنةة العصر]

ابداع راقي ومميز
عاشت ايدك

 

[سيد الكلمات]

ابداع راقي ومميز
عاشت ايدك

الابداع هو مرورك العطر صديقتي الغالية

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي