عبالك راح افكر يوم احب غيرك\\حصريا

[الشاعرعامرالعراقي]

عبالك راح افكر يوم احب غيرك\\حصريا


ماردتك حلم ردتك حقيقة تمر
شسوي بطيف مابي ريحة ازلوفك

يالمسودن خيالي اتخيلك وياي
اكل اشرب امشي وعيني متعوفك

انت احساسي كلة بكل الاوقات
احس بنفسي اشوفك واني ماشوفك

يالمبعد علي من بيتنة الكركوك
عبالك راح انسى الدافية جفوفك

عبالك راح افكر يوم احب غيرك
عبالك التهي بالكاس وطيوفك

يكاس الخمر سولفلة شنسيت وياك
يالمصبرلي شوكي السكر معروفك

خلفللة اعلة السكر خلاني عنة بعيد
اخاف امن اصحة كاس تصيرلي جفوفك

وماتقبل عيوني تشوف اي مخلوق
الا عيونك الحلوات وزلوفك

وشبكك مشنقة ومحكوم بعدام
واموت وياك بعد الموت ماعوفك

يالماخذني كلي ابلا عدد وحساب
زارع بيك روحي الامنت خوفك

موكتلك حبيبي بكاسي ماانساك
مدمن كبرياء بكاسي لطيوفك

بقلمي
عامرالعراقي

 

[فتنةة العصر]

رد: عبالك راح افكر يوم احب غيرك\\حصريا

ماشاء الله تبارك الله
الله يديم الحب بينكم ولايفرق بينكم
ان شاء الله ابيات وايد جميلة اخوي الغالي
تستحق اجمل تقييم واعجاب

 

[الشاعرعامرالعراقي]

رد: عبالك راح افكر يوم احب غيرك\\حصريا

ماشاء الله تبارك الله
الله يديم الحب بينكم ولايفرق بينكم
ان شاء الله ابيات وايد جميلة اخوي الغالي
تستحق اجمل تقييم واعجاب

الاميرة الغالية فتونة

شكرا خيتي فتونة هذا الكلام الكبير
والرائع من سموك
تقييمي هو وقوفك هنا على اطلال حروفي المتواضعة
باقات الجوري لنقائك غاليتي

 

[قيصر الحب]

رد: عبالك راح افكر يوم احب غيرك\\حصريا

روعه موضوع رائع ومميز
عاشت الايادي دوم التالق
تحياتي

​

 

[اماندا]

رد : عبالك راح افكر يوم احب غيرك\\حصريا

ربي يديم المحبة بينتكم اخي عامر
سمفونيه تضاهي ضوء القمر
امتعتنا بما سكب قلمك على محبرتك
فكانا التميز والابداع حليفك
تقيمي واعجابي ونجومي وجل امتناني ي نقي

​

 

[سومري]

رد: عبالك راح افكر يوم احب غيرك\\حصريا

جثير اتعذبت ادريبك وحسيت
ولفك هم يحن لايامك الحلوه
لان ابالي وكتك من جنت سلطان
وهو بيدة القرار وانت لك سطوه
جنتو اثنينكم بس الكمر موجود
يشارك من بعيد الهمسه والنجوى
ياريت الليالي والمحبة تعود
مو بالخوف هسه الجلمة تتلوه
اه شكد صعب من تعشك ابن الناس
لازم بالخريطة تشوف.. من هو؟!!


هكذا تبدو متفائلا بحرفك
وهكذا تبدو سعيدا فسعدنا معك
ما اجمل هذه الصورة
التي حطت ببرائتها على حقول الايام
تذكرة للعوده من جديد
فهل من مبصر؟؟

اخي الرائع
اتنمى لك سعيد الاوقات وجميل الامنيات
مع الود

قائد..

 

[الشاعرعامرالعراقي]

رد: عبالك راح افكر يوم احب غيرك\\حصريا

روعه موضوع رائع ومميز
عاشت الايادي دوم التالق
تحياتي

​

شكرا اخي قيصر الحب
نورت ياغالي

 

[الشاعرعامرالعراقي]

رد: رد : عبالك راح افكر يوم احب غيرك\\حصريا

ربي يديم المحبة بينتكم اخي عامر
سمفونيه تضاهي ضوء القمر
امتعتنا بما سكب قلمك على محبرتك
فكانا التميز والابداع حليفك
تقيمي واعجابي ونجومي وجل امتناني ي نقي

​

شكرا لك من القلب اختي اماندا

اولا لدعائك الجميل والنابع من قلب نقي

ثانيا لمرورك العبق وعطر كلماتك الانيقة

التي زينت متصفحي برحيقها

لقدومك انثر الورد

 

[سعد العراقي راقي]

رد: عبالك راح افكر يوم احب غيرك\\حصريا

تسلم عامر
رائعة من روائعك
شــــكراجزيلا لك

 

[الشاعرعامرالعراقي]

رد: رد : عبالك راح افكر يوم احب غيرك\\حصريا

تسلم عامر
رائعة من روائعك
شــــكراجزيلا لك

سعد العراقي

شكرا من القلب

لرقة مرورك واناقة كلماتك

لقلبك اكاليل الورد