عشك بالروح لا لتروح

[قلب شجاع]

بابك ياقلب سديته من سنين
قلبي من العشك ماظل صبر عنده
وصيت القلب لاتعشك انته النوب
لان حظك ردي وقسمتك بعد ارده
شو ياهو التحبة يخون بيك بساع
ويبيعك بالرخص ويذبك بشده
متكلي شجرالك شو تأمن الروح
بيد ابن الحرام الماحفظ وده
كل هذا الحجي ومافاد ابد وياك
ابعد الجرح عني وبيدك ترده
وجاي اليوم اليه بعشك من جديد
بس والله انت حقك فوت وتحده
صدك ياقلب لا ما الومك ليش
افتح بابك انته وبعد لتسده
لان هذا التحبة الكمر منه يغار
ويدنك على راسه ويبوسه من خده
بس كون انته يمي وابد ماتبعد
صدكني البعد لاجاب ولا وده
اعرف قلبي انه ومن يحب مجنون
دخيلك ابد لتخليه وحده
مو شاف القهر من عمره عشر سنين
لان ياهو اليحبه يصير ضده
وطعم الفرح ماضكناه ابد لليوم
لك حتى الفرح من بابي ماعده
اتعنه انه لبابك وابقى اشم بالكاع
اكولن بلكي جدمك فات واتعده
انته اخر عشك بالروح لا لتروح
الوب عليك مثل الطفل وبمهده
زرعتك ورده حلوة بوسط هاي الروح
وازكيك بدمع يا احلى ورده
اقسملك قسم بالخلق داحي الباب
كل مابعد حبك بيدي ارده
كل مابعد حبك بيدي ارده​

 

[حكاية صمت]

رد: عشك بالروح لا لتروح

عاشت يدك

طرح مميز

تحياتي

 

[فاتنـــهـ بعشقي]

رد: عشك بالروح لا لتروح

سَلِمَت الْأَنَامِل لِهَذَا الإِنتِقَآءِ الْرَّائِع
آبْدَعتْ فِي الإِختيَارِ لاَحُرِمنَآ جمآل عَطآئِكْ
*
لِـ رُوحكْ عَبقِ اليَآسُميْن

 

[المشتاق]

رد: عشك بالروح لا لتروح

[size=+0]

بسم الله الرحمن الرحيم

أخي الكريم أحمــــــــــــــــــد العرآقي


سلمت يدآك لهذه اللوحة الجميلة والرآئعة
{{{ عشك بالروح لا لتروح }}}
دآم لنا فيض العطآء
وللمزيد منَ كل جديد
تحيآتي ودعآئي
دمت موفق
​

[/size]​

 

[قلب شجاع]

رد: عشك بالروح لا لتروح

شكراااااا على مرور احبتي

 

[منار العميدي]

رد: عشك بالروح لا لتروح

يسلمو الايادي غلاي

 

[احمد الحنين]

رد: عشك بالروح لا لتروح

احسنتم النشر جميل جدا

 

[قلب شجاع]

رد: عشك بالروح لا لتروح

شكراااااا على مرور احبتي