صبـآحكم خيـر ونـور ورضـوآن وعفـو وغفـرآن من البـآري عـز وجـل
كـل عـآم وأنتـم بخيـر أحبتـي أعضـآء وزوآر ألفخـآمـه بمنـآسبـة عيـد الفطـر المبـآرك
أعـآده ألله علينآ وعليكـم بالخيـر والصحـه والعـآفيـه
أقـدم لكـم قصيدتـي المتـوآضـعه بعنـوآن [ علآء آني تره والله مو يزيـد ]
أتمنـى أن تنـآل أعجـآبكـم
يا عيد هذا وانه كلي هموم .. يا عيد وانه ريحه حزن شميت
تتنطر الوادم حتى تشوف الهلال .. ولقطار الفرح انه اتنطريت
سمعت صوت الفرح يهلهل من بعيد .. ويصيح ولك .. هذا انه اجيت
تالي الحزن مد راسه بالشباج .. وكًلي شمآلك ولك بيه ماحسيت؟
هذا انه الحزن العاشرتك سنين .. تظن بيه الفرح من الك ونيت؟
صافن بقيت أتأمل الموضوع .. صح انه سمعت لو جني انجنيت؟
سمعت الفرح انه جايك من بعيد .. ومن الفرح بعلو صوتي هلهليت
تاليته يطلع حزن معقوله هذا الصار؟ .. وبصوته من الضيم جن الفرح ظنيت؟
لا يآ وكت كثرت تره الالام .. وعلاج الروح اصبح كلش بعيد
اشوف الناس يم السوك يمشون .. تدور ع الملابس وترحب بهالعيد
وانه وي الضيم كًآعد بهالليل .. ألوم نفسي وحيل اعض الايد
جي كومه حزن بقيت بالدولاب .. وحرت ياهو اللبس كومه الجديد
يوميه الحزن جايبلي قطعه ضيم .. وظليت أكًلب بيهن وارجع و أعيد
بسك يا زمن دفتح عينك وشوف .. علاء اني تره .. والله مو يزيد
بقلمـي :، عــلآء كريـم
9\8\2013
2:15 am
تحيــآآآتـــيي
كـل عـآم وأنتـم بخيـر أحبتـي أعضـآء وزوآر ألفخـآمـه بمنـآسبـة عيـد الفطـر المبـآرك
أعـآده ألله علينآ وعليكـم بالخيـر والصحـه والعـآفيـه
أقـدم لكـم قصيدتـي المتـوآضـعه بعنـوآن [ علآء آني تره والله مو يزيـد ]
أتمنـى أن تنـآل أعجـآبكـم
يا عيد هذا وانه كلي هموم .. يا عيد وانه ريحه حزن شميت
تتنطر الوادم حتى تشوف الهلال .. ولقطار الفرح انه اتنطريت
سمعت صوت الفرح يهلهل من بعيد .. ويصيح ولك .. هذا انه اجيت
تالي الحزن مد راسه بالشباج .. وكًلي شمآلك ولك بيه ماحسيت؟
هذا انه الحزن العاشرتك سنين .. تظن بيه الفرح من الك ونيت؟
صافن بقيت أتأمل الموضوع .. صح انه سمعت لو جني انجنيت؟
سمعت الفرح انه جايك من بعيد .. ومن الفرح بعلو صوتي هلهليت
تاليته يطلع حزن معقوله هذا الصار؟ .. وبصوته من الضيم جن الفرح ظنيت؟
لا يآ وكت كثرت تره الالام .. وعلاج الروح اصبح كلش بعيد
اشوف الناس يم السوك يمشون .. تدور ع الملابس وترحب بهالعيد
وانه وي الضيم كًآعد بهالليل .. ألوم نفسي وحيل اعض الايد
جي كومه حزن بقيت بالدولاب .. وحرت ياهو اللبس كومه الجديد
يوميه الحزن جايبلي قطعه ضيم .. وظليت أكًلب بيهن وارجع و أعيد
بسك يا زمن دفتح عينك وشوف .. علاء اني تره .. والله مو يزيد
بقلمـي :، عــلآء كريـم
9\8\2013
2:15 am
تحيــآآآتـــيي
