تالي الليل مدري شبيه
احن لناس
تلعب عله احبال الگلب
مره تشتهي الملگة
ومره تعوف الرزه
وتملي بابي دمع
يعتب
وشگد نار بشوگي اله
وهو تارس الدنيه ضوه
وبس يمرني
امغندب
وحيل خايف بروحي
تنطفي محبته
وهو يدري
بس لا فرگاه
حته لو يملي عيوني
صم اتراب
سـِد بابك بعد
هچي احچي وي گلبي
بس ما يرد إگليبي واعرف
ويصيح بيه
هم احباب
شمالك تحن وعيونهم ماتشوفك
ابد وطشوا عطرهم
بجفافي مهر وكاسات حنه
كلش وبوجهك سدوا باب
عدها اشفاف خبيزة تنور
تشتهي بس منها اتضوگ
وبلا مستحة ووكاحة عين
اگبالي وتعض اشفاف
وتدري بيه اذوب بيهن
بلا تيزاب
گولوله هنيالك عله خبالي
ماعندي خلگ للناس
بس اشفافه ابالي
واملي ليلي بفراگگ
دمع عتاب
وأستلذ بمناطرك
چن ربيع اسنيني بيك اتخضر
واحس الله خالقني عله مود
بس اگظي العمر اشتاگلگ
يانفاحة عنبر ومستحة الحديثات
يا اول ربيع يخضر بيه الصفصاف
وچيم الهوى ناره وصار
بروح حطاب
راح اوصفك
ورقة بيضة
وانه بكل مشتهاي
اكتب شما اريد
يلدلالك شلع گلبي
وانه امسح واعيد
وشما ابد من جديد
تحرگني بيك شامة
تحتاجلها كتاب
اي اعشگگ
تريد ترضه
تريد تزعل
طبك عشگ
وشرايد اتسوي سوي
حته لو تكسر كل الاقلام
ابقه اصيحن
ياناس هذا الي علمني
احب..
13/10/2019
كوبنهاگن
العـ عقيل ـراقي
..
