علمني الوكت مـو سهـلة اثـق بالناس
واسد بابي إعلى حالي لو صرت محتاج
انه من بير يوسف يامـا اخذت دروس
وعرفت الناس تحترمك اذا حجاج
ناس عيوبها تجملها عفة وذوق
وناس عيوبها مستورة بالمكياج
وناس بكل براءة وكل صراحة اجود
نقية بلا نفاق ومنتجة وإخراج
وناس بلا ملحة تريد بس ترضيك
خفيفة بظلها وتحبك بلايا ازعاج
وناس شما تسوي تذمك بكل سوء
وناس بلا مصالح شايلتك تاج
وناس من الأدب تحمل ترافة روج
وناس من الحقد داخلها كالأمواج
وناس شما رخيت وياها تطمع بيك
سقيمة روح ما ينفع معاها علاج
وناس اعلى العذب تشمر حجر وتروح
اذا تشوفه صعد صاحت عليه حلاج
وناس شكد غثيثة وبيها شوفة حال
ساجنها الغرور ولا تريد افراج
وناس شكد عفيفة برغم ضيم وعوز
بيدر من هلا لو گابلتها ~ افواج
واني بلا دراية ابين هذا وذاك
ماخذني الغضب والخجل والاحراج
اتنقل على وضح الخطاوي البيض
محكوم بتأني وماشي علـ منهاج
احسبها عدل واتوكل وما أخاف
وما اصدكَـ كلام النجم والأبراج
واعلَّى براس عالي واسكن وي الغيم
واترك دونهم وادي وجبل وسياج
للشاعر
مأمون النطاح
واسد بابي إعلى حالي لو صرت محتاج
انه من بير يوسف يامـا اخذت دروس
وعرفت الناس تحترمك اذا حجاج
ناس عيوبها تجملها عفة وذوق
وناس عيوبها مستورة بالمكياج
وناس بكل براءة وكل صراحة اجود
نقية بلا نفاق ومنتجة وإخراج
وناس بلا ملحة تريد بس ترضيك
خفيفة بظلها وتحبك بلايا ازعاج
وناس شما تسوي تذمك بكل سوء
وناس بلا مصالح شايلتك تاج
وناس من الأدب تحمل ترافة روج
وناس من الحقد داخلها كالأمواج
وناس شما رخيت وياها تطمع بيك
سقيمة روح ما ينفع معاها علاج
وناس اعلى العذب تشمر حجر وتروح
اذا تشوفه صعد صاحت عليه حلاج
وناس شكد غثيثة وبيها شوفة حال
ساجنها الغرور ولا تريد افراج
وناس شكد عفيفة برغم ضيم وعوز
بيدر من هلا لو گابلتها ~ افواج
واني بلا دراية ابين هذا وذاك
ماخذني الغضب والخجل والاحراج
اتنقل على وضح الخطاوي البيض
محكوم بتأني وماشي علـ منهاج
احسبها عدل واتوكل وما أخاف
وما اصدكَـ كلام النجم والأبراج
واعلَّى براس عالي واسكن وي الغيم
واترك دونهم وادي وجبل وسياج
للشاعر
مأمون النطاح
