أجي ويه الصبح وبلهفه مشتاكَـ
لان بالليل كله افكاري بس انته
يمر الليل وانته بطيفي واللــــه
من حلم لحلم والروح شابكَته
أشبكَـ طيفك وابقى اشمم بيه
وافز من الحلم والطيف ما عفته
مجنون بهواك وبس اسولف بيك
وهم شايف مخبل ينسى سالفته؟
خبلني العشكَـ وخلاني هايم بيك
هيامي انته وتظل الروح حاضنته
معروف بعنادي كلش اويه الغير
عنيـــــد وهالكَلب بس الك سلمته
لحظة اوياك تسوه كل الاعمار
عمر عمرين والله اللحظة ساوته
من اسمع الوو منك يمحبوب
تعادل كون عندي بكل حرف كَلته
تلامس بيه كل احساس واحساس
ما جنها حرف..ديوان جامعته
ما جنها الوو وما تشبه الغير
يشهكَـ هالكَلب والروح شاهكَته
ومن اسمع شلونك مني كلشي يذوب
وانته بكل حرف هالكلشي ذوبته
من صوتك حبيبي تغار الانغام
والاشعار كلها تكَلي عاشكَته
ما يحلى الغزل يا عمري بس بيك
وانه بكل وكاحه بشعري غازلته
واتعده الخطوط الحمره وياك
وحتى اللونه غير..بحمره لونته
من خدك نعم وشفافك الحلوات
ياخذ حمرته والغزل كملته
هم شايف حبيبي ضحكه تنباس؟
اي والله ونعم والصوت هم بسته
وما كمل بعد ولا نحجي بالمحظور
خليهه فقــــــط بس آنه وانته
تدري شكَد أحبك وتدري اهواك
وتبقى انته الوطن والروح عاشكَته
...
بقلمي الآن
31/10/2024
التعديل الأخير:
