لم العشك واتعنه لبعيد
سوباط والوادم عناكيد
تتمنى بس حرمانك يزيد
وخلكك فضي يتعب الصواعيد
وعيونك يكطرن مواعيد
جم وجه طايحه شال دربك
والضيم هد روح اعل كلبك
صب الحبر بالماي صبك
ربهم جذب مو مثل ربك
يل حزنك بلون المكاريد
وبيا رسم جفنك طبكته
غني اعلكيفك وابجي سكته
ضوك الوجع مخيط بدكته
رسمك زغير وعبر وكته
ورسمك اضحيه بحجة العيد
هز جذع حلمك والكط الليل
وعلك الطريج ب بركبة سهيل
واهناك هم يرادلك حيل
دربك بحر. والماخذك ريل
واهناك تنتضرك مواعيد
خمر اعيونك واشرب احلام
واتذكر الله تنام محتام
ومرايتك خليله ألثام
وجهك زغير يجذب الجام
غشوك حطولك تجاعيد
واعترض عل حط راسك بير
رمشك يرف واحلامك طير
واكتب عل كعبه بطباشير
وجه الله يطلع بالتنانير
وجفوف اليجيمن شواهيد
ياجفي دير اعل النهر كاس
هلبت تضوكه وتسكر الناس
هلبت يدوخ الوطن بالراس
والعلم بين انجومه ينباس
عقيل العرد
سوباط والوادم عناكيد
تتمنى بس حرمانك يزيد
وخلكك فضي يتعب الصواعيد
وعيونك يكطرن مواعيد
جم وجه طايحه شال دربك
والضيم هد روح اعل كلبك
صب الحبر بالماي صبك
ربهم جذب مو مثل ربك
يل حزنك بلون المكاريد
وبيا رسم جفنك طبكته
غني اعلكيفك وابجي سكته
ضوك الوجع مخيط بدكته
رسمك زغير وعبر وكته
ورسمك اضحيه بحجة العيد
هز جذع حلمك والكط الليل
وعلك الطريج ب بركبة سهيل
واهناك هم يرادلك حيل
دربك بحر. والماخذك ريل
واهناك تنتضرك مواعيد
خمر اعيونك واشرب احلام
واتذكر الله تنام محتام
ومرايتك خليله ألثام
وجهك زغير يجذب الجام
غشوك حطولك تجاعيد
واعترض عل حط راسك بير
رمشك يرف واحلامك طير
واكتب عل كعبه بطباشير
وجه الله يطلع بالتنانير
وجفوف اليجيمن شواهيد
ياجفي دير اعل النهر كاس
هلبت تضوكه وتسكر الناس
هلبت يدوخ الوطن بالراس
والعلم بين انجومه ينباس
عقيل العرد
