غلطة زهرا
غلطة مره و قصة شعرا
ناولتني خصلي صغيري
خدها الك تذكار المرة
تتذكر ضفاير شعري
تذكرني طفلة السمرا
لا تقول عني طفلة صغيري
ما بتفهم معنى الغيري
عندي عقل يوزن بلد
عندي عقل بفجر ذرة
ما بطلب منك تعرفني
ولا بطلب منك توصفني
ولا تشبهني بوردة حمرة
مزروعة بستان الشوك
أنا بعرف اصلي من فصلي
لو بحمل على رأسي جرة
بسقي منها العطشانين بوسط الصحرى
بسقي منها سكرانين بعز سهره
أنا زهرة بنت سمرة
رسموا على جبيني تذكار
رسمها خيّ بنشوة ثار
بوسط الظلمة بليلة عتمة
قذيفة مدفع بوسط الدار
قتلت أمي قتل بيّ
يدلي ملا شعري غبار
لا تعاتبني بقصة شعري
طفلي أنا مالي نهار
بندب أمي وينك يمي
بتخيلها وسط الدار
عم تضفر جدا يل شعري
بتحليهم بوردة حمره
من حديقة أرض الدار
بندب بيّ وينك بيّ
جتني الغفوة سهيت شويّ
حلمت بنومي شفت بيّ
يحمل بيده سند الأرض
وسند الدار وسند الشرف
لأبقى حره أنا زهرة البنت
السمرا
من نزف قلمي السهم الجارح
