{ في رثاء السبط الأكبر أبي محمد الزكي (ص) }
أحواله وخيانة رعيته به
أحـوالـه وخـيـانة رعـيـته بــه
صـاح الـحسن يحسين يا راعي الحميّه يـاخويه كـل الـقوم خـانت و الرعيّه
جـيف البصر خانت علينا القوم يحسين ضـاقت عـلينا الـواسعه يَبن الميامين
صـرنا بـليّا انصار مدري نلتجي وين كـل لـجنود اتـفرّقت شـوروا عـليّه
لـحّد تـولتنا عـقب حـيدر الـعدوان وبـعد الأبـو ضـعنا يخويه بين كوفان
مـدري نـسالم لـو نـحاربهم يفرسان ثـارت اشـبال الـمرتضى كلهم سويّه
جـدّامهم شـيخ الـعشيره رافع الصّوت آمـر يـبو محمَّد حلى لي دونك الموت
مَـنريد يَـبن امّـي حـلايلنا والـبيوت تـدري بـنا الـعدوان مـنهاب الـمنيّه
و عـبّاس جـاهم شاهر السّيف ابيمينه وظـل ينتخي ولاح الغضب مابين عينه
ايـنادي يـبو مـحمَّد يَـسلطان المدينه خـل الـبجا و اسـمع كـلامي يا شفيّه
يَـبن الـنّبي و حق و الدي زرّاق لرخام لـو يـجتمع عسكر من الكوفه إلى الشام
يـا مـهجة الـزّهرا فلا انخليك تنضام وجـرّد الـصّارم وانـتخى ابن الحنفيّه
قـلهم صـوارمكم يـفرسان اغـمدوها و اصـواتـكم لـلغاضريّه اتـدخّروها
بـذلوا الـنّفس دون ابنة الهادي واخوها مـنّه يـشيب الـرّاس يـوم الغاضريّه
تـــعــديــد رزايــــــاه '
جـارت عـلى سـبط النّبي قوم الخيانه وقـاسى الـمحن يـاويح قلبي من زمانه
خـانت ارجاله و للطّمع مالوا يركضون و رشـوات ابن هند ابلغت مليون مليون
حـتّى ابن عمّه الجان يحسن بيه لظنون وصـلت إله الرّشوه وصَبح خالي مكانه
يـفتّ الـقلب يـوم المداين من مصابه نـهبوا المصلّى و قطعوا اعليه الخطابه
والـجيش كلّه انقلب بس خلّص اصحابه مـخطور صار و حفّت ابشخصه اخوانه
أهـل الـفتن نهبوا رحاله و سلبوا ارداه و حـفّت بـه اخوانه عن اشماله و يمناه
وابـن الـبغي الـجرّاح بالخنجر تحدّاه و قـلّط الـمركوبه و لـزم بيده اعنانه
و الـلّي جـرى يوم النّخيله ايفتّ لقلوب قـلّت اعوانه وسكت عن حقّه المغصوب
عـاهد على اشروطه وعاد الامر مقلوب ألـغى الـشروط ابن الخنا والعهد خانه
خـان الـعهود وشـبل حـيدر لزم حدّه سـبط الـرّسول و مـلتزم يوفي ابعهده
وكـل فـرد مـنهم مـاتعدّى فـعل جدّه ذكــوان هـذي ذمّـته وهـذا أمـانه
هاي النّتيجه من اليهودي الرّجس ذكوان ورّثـهـم اطـباعه الاراذل آل سـفيان
و الـموفي ابـعهده شبل هاشم و عدنان ذاك الـحسن سـبط النّبي وركن الديّانه
وسـلّط عـلى الـكوفه زياد وعاث بيها و شـيعة علي الكرّار صب جوره عليها
سـمّل الـطّاغي اعـيونها و قطّع ايديها وحـجر وصحبته هاجت اعليهم اضغانه
صـفـحة الـتّاريخ ابـفعلهم سـوّدوها و امـخدّرات ابـيوت يـسلام اسْجنوها
والـرّوس مـن وادي الـوادي شهّروها وتـاليها بـحجور الـنّسا يـهل الدّيانه
ســـقــيــه الــــســـم '
لَـشعث الـكافر يـحمل اسـباب المنيّه الـمهجة الـزّهرا مـن نغل هند الدعيّه
مـا يـستحق انـقول لَـشعث باع دينه زنـديق مـاعنده ديـانه ابـن الـلعينه
قـاصد مـن ارض الـشّام بالسّم للمدينه الـبنته تـقطّع مـهجة الـزّهرا الزجيّه
الـعسل مـزجت بـاللبن والـسّم ويّـاه صـايم ودنّـت له الفطور اوقعدت احذاه
مـنّه شـرب يـاويح قلبي و قطّع امعاه حـالاً تـقيّا و انـغشى اعـليه الـشفيّه
جـاه الـشّهيد حـسين يـتفقّد احـواله شـافه وصـاح ودمـع عـينه بانهماله
يـا هو الذي اتجّرا على ابن امّي و غاله مـعلوم هـذي مـن دسـايس آل امـيّه
قـلّي ابـصاحب هـالفعل يا بحر لعلوم لـحّد يـبومحمَّد لـثور الـكون هاليوم
قـال الـطّشت جـيبه يبو سكنه يمظلوم الله أشــد نـقمه يـبو نـفس الأبـيّه
دنّـى الـطّشت يـمّه وتـقيّا وتاح جبده قـطعه بـعد قـطعه وابـو السّجاد عنده
ولـن زينب اتنادي الحسن يحسين سنده ابـوجهه تـرى لاحـت علامات المنيّه
ون وفـتح عـينه السّبط واجذب الحسره وقـلّه يـخويه حسين جت مهجة الزّهرا
بـالعجل شـيل الطّشت يبن امي وستره و نـشّف امـدامعها وسـنّد لـي ابتجيّه
دشّـت على اخوتها الوديعه اتدير بالعين ولـنّه يـلوج الـحسن ومتكّي له حسين
قـلّي بـقلبها اشـصار من شوفة هَلثنين واحـد يـلوج اُواحـد ادمـوعه جـريّه
صـدّت و حـانت لـلطّشت منها التفاته و خـرّت على الزّاكي امأيسه من حياته
اتـقلّه يـعين الله عْـلَى فقدك و الشّماته خـويه قـلت لـك لا تـواصل هالدعيّه
دخـول زيـنب عـليه ورؤيـة الطشت
جـبد الـحسن مـتقطّعه بـسم الـمنيّه أصـبح يـعالج واصبحت زينب شجيّه
دخـلت عـليه و عاينت له يلوج وحده عـنده اخـوه حـسين دمـعه فوق خدّه
آمـر أخـيّه يـشيل طـشت البيه جبده شـيـله يـخويه لا تـشوفه الـهاشميّه
شيل الطّشت خوفي الوديعه تشوف جبدي خـوفي تـحن و من بجاها ايزيد وجدي
هـذي وديـعة والـدي حـيدر وجـدّي مـقدر أشـوف ادمـوعها ابخدها جريّه
اوصـيك يَـبن امّـي عقب عيني اكفلها و ابـكل وكـت يحسين دايم عينك الها
تـبقى تـراهي بالهضم من عقب اهلها تـوقف عـلى اجثثهم براضي الغاضريّه
سـمعت ونـينه و اقـبلت زينب اتنادي تـلطم عـلى خـدها ودمـع العين بادي
وتـصيح اخـويه حـالتك فـتّت افّادي مـن شـافها ظـل يـجذب الونّه خفيّه
صـدّت و لـن اتشوف طشتٍ ممتلي دم شـافت قـطع جبد الحسن متقطّعه بسم
قـالت وهـي فـوق الصّدر والخدّ تلطم جـبدك يـخويه امـقطّعه و تخفي عليّه
مـن غـالك ابـسَمّه يخوي و قرّة العين يـحسين خويه استخلف الله مالك امعين
هـذي مهي جبد الحسن بالطّشت يحسين قـلـها نـعم يـختي ولـكن وشـبديّه
حـضـور زيـنـب والـحسين عـنده
قـوم بـعجل سنّد لخوك ابعجل يحسين والله قـطع قـلبي هَـلمسجّى بـلونين
يـحسين لا تـغفل ترى مسافر عضيدك جـنّي أشوفه ابهالمرض رايح من ايدك
كـثر الـبجا و الـنّوح بـعده ما يفيدك بـطّل الـونّه وظـل علينا يدير بالعين
خـويه عـلى افـراق العضيد الله يعينك هــذا يـوالينا اشـمالك مـع يـمينك
قـوم الأعـادي فـرّقوا بـينه و بـينك نـالوا مـطالبهم وصـاروا مـطمئنّين
يـحسين أشـوفه امغمّض و بطّل ونينه اصـفرّت الوانه و بالعرق يرشح جبينه
اتـقرّب يـخويه ودّعه و غمّض اعيونه غـيره وغيرك بالخلق ما شوف سبطين
مـن هَالمرض يا بو علي ما ظنتي يقوم جـبده تـراهي اتفطرت من حر لسموم
جرّب يخويه وشوف اخوك مفارق اليوم مـا ظـنّتي ايـتمّم نـهاره ابن الميامين
قـام الـشّهيد و عـبرته ابـخدّه جريّه و عـاين عـضيده ايـطوّح الونّه خفيّه
قـلّه يـبو مـحمَّد يـخويه اقطعت بيّه فـتّح اعـيونه وسال دمعه على الخدّين
قـلّه يـبو الـسجّاد لا تبجي و لا تنوح آنـا عـلى مـعزّه أعـالج طلعة الرّوح
و انـتَ تـظل ابكربلا عريان مطروح مرضوض صدرك بالثّرى ومقطوع ليدين
اوصـيك يَبن امّي عقب عيني ابهَلعيال لَـيكون تـتشتّت يـبو سـكنه هلَطفال
يـحفظكم الله مـن صروف الدّهر لومال واصبر عقب عيني على جور الملاعين
اوصـيك بـولادي وحـريمي هالأرامل يـحسين صـير الـهم بعد فرقاي كافل
اتـعزّا بـعزاء الله تـراني اليوم شايل ودعـتك الله يـاقطيع الـرّاس يـحسين
بــيــن الـحـسـين والـحـسـن‚
قـلب الـحسن من سم جعده ملتهب نار فـي ويـن راح الـيوم عنّا حامي الجار
يـامن قـتل مـرحب و لـزنوده براها يـالكعبة الـعظمى و يـالعالي ذراهـا
دنـهض تـرى بـيك العدى نالت مناها سـمّوا عـزيزك والشهيد حسين محتار
جـالـس و دمـعاته ابـخدّينه هـتونه يـنظر عـضيده و يصفج اشماله بْيمينه
بـعـدك يـخويه تـظلم الـدّنيا عـلينا ظـهري انـكسر لجلك يشمّامة المختار
سـمٍ قـطع جـبدك يـخويه قطع قلبي ومـن بـعد عـينك لاهنا زادي وشربي
وعـقبك يـنور العين جيف أندل دربي الـدّنيا لـطلّقها بـعد مـوتك يـمغوار
نــادى أبـو مـحمّد او ونّـاته خـفيّه هــذا يـنـور الـعين لـمقدّر عـليّه
بـوداعـة الله يـا غـريب الـغاضريّه بـس الله الله مـن بعد عيني ابهلصغار
يـوصي عـزيزه و الـقلب منّه ابلهفه و يـخاطبه و لازم عـلى جـبده ابجفّه
الـجاسم عـقب عيني على سكينه تزفّه نـفّذ يـخويه هـالوصيّه يـاحما الجار
زوّج الـجاسم واكـفل ايـتامي يمذخور وعينك على زينب احفظها وسط لخدور
عـقبك تـراهي ياعزيزي تركب الكور واتـشوفك امـجدّل يـخويه فوق لوعار
جـنّـي أعـاينها ذلـيله بـين عـدوان فـوق الـجمل راسك يباريها على اسنان
وابـنك عـلي مـغلول بقيوده و وجعان يـنخى بـني هـاشم و دمع العين نثّار
احــتــضــاره و وفـــاتــه‚
نـادى الـمنادي فـي الـسّماوات العليّه جـبد الـحسن مـتقطّعه بـسم الـمنيّه
وحـسين يـمّه يـنتحب و الدّمع هامي يـقلّه ونـينك يـالأخو نـحّل اعظامي
وشـعلّتك يـاباقي أهـلي وكـل عمامي قـلّـه يـخـويه عـلّتي سـم الـدعيّه
بالله يـخويه حـسين دن الطّشت عندي سـم الـلعينه يـاعضيدي فـت جبدي
هـذا يـخويه الـلّي وعـدني بيه جدّي دنّـى الـطّشت يـمّه وجـبده مـلتظيّه
