قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

[سعد العراقي راقي]

متيه دكانه ويطمع بخزنة الاناظول

★ ★ ★ ★ ★ ★ ★
خويلد العطار صاحب دكان بعهد العصملي ..تغير حالة فجأة گام بالليل يسيّر للكهوة ويسولف بعلو حسه ويبشر :
ــ اجاكم الخير يااهل المحلة ..السلطان عبدالحميد استلم الخلافة وصار هو السلطان ..!!انوب الصبح حطله دمام برگبته وگام يطبل .. دُم دُم دُم :
ـــ يااهل المحلة ابشركم الخليفة عبدالحميد صار سلطان باسطنبول والخير جاي ولحد يخاف بعد من حرامي ..راح عنكم الجوع والظلم حضروا ارواحكم الخير جاي السلطان عبدالحميد الثاني جاي !!!
تيه الدكان تفرهد بيه الناس حتى ماسد بيبانه ومرته انعدت منه وهم بين النسوان تبشر بالسلطان وخيره الجاي وعدله وليراته وگيعانه الميري !!!
كظه المختار گله:
ــ لك خويلد هاي شبيك نجنيت دكانتك جاي تفرهد بيها الجهال والشقاوات وانت بالدربونة مخلي الدمام برگبتك وتصيح جايكم السلطان ..انت كجه مرحبه وي السلطان شنو راح يخليك صدر اعظم لو باب عالي ابو التتن !!!
جاوبه خويلد :
ــ مختارنا بعد مانحتاج دكان السلطان راح يرجِّع الانكشارية واني اصير عريف بالانكشارية لو زعيم بالجندرمة لو حارس وي اصفر ساگ لو قنصل بالبلغار ..ويجوز السلطان يخليني سنجقدار او خزندار او سلحدار الخير جاي السلطان جاي دُم دُم دُم !!!
المختار صفگ بايده وگال..:
ــ صدگ لو گالو العقل زينة
(متيه دكانه ويطمع بخزنة الاناضول !!!)
★ ★ ★ ★ ★ ★ ★​

 

[الشيخ]

رد: قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

شكرا على المشاركه اخ سعد
بالتوفيق
يثبت الموضوع حتى موعد الاستفتاء

 

[رمااد اانسان]

رد : قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

يسلمووو على الموضوع والمثل
ارق تحيه

 

[سعد العراقي راقي]

رد: رد : قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

شكرا على المشاركه اخ سعد
بالتوفيق
يثبت الموضوع حتى موعد الاستفتاء

يسلمووو على الموضوع والمثل
ارق تحيه

شكرا لطيب مروركم
امتناني وتقديري

 

[♡{تہفہآحہةّ ☆بہغہدآديہةّ}♡]

رد: قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

هههههههههههههههههههههههههههههههههههههههه اي وربي
عششت سعد واتمنالك الموفقيه

 

[نورااان]

رد: قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

سلمت يمناك سعد .... مثل شعبي يعطينا العبرة .. بارك الله فيك وبالتوفيق ان شاء الله

 

[الشاعرعامرالعراقي]

رد: قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

يسلمووو عاشت الايادي
مثل جميل وقصة اجمل
امنياتي بالفوز

 

[سعد العراقي راقي]

رد: قصة المثل(متيه دكانه ويطمع بخزنة الاناظول) خاص بالمسابقة التحشيشية قصة مثل

ربي يحفظكم
شكرا لطيب مروركم