قصة كراسة الرسم من قصص الاطفال
حبايبى الحلويين كان يامكان كان فيه ولد وكان بيحب الريشة والالوان رسم كلب ورسم قطة والولد من بعد مارسمهم قال بكرا الصبح يشوفهم مدرس الرسم فى المدرسة ويفرح بيا والولد ساب الكلب والقطة على ورقة كراسة الرسم وراح علشان خاطر يتعشىالقطة فى كراسة الرسم بصت للكلب والكلب فى كراسة الرسم بص للقطة الكلب مش بيحب القطة والقطة مش بتحب الكلب الاتنين وقفوا فى كراسة الرسم يتخانقوا بعد شوية الكلب حس انه جعان والقطة هى كمان حست انها جعانة الكلب ايه ده هو الولد رسمنا من غير ما يرسملنا حاجة ناكلها مكنش الولد قادر يرسملنا ان شاء الله عضمايةوالكل والقطة الاتنين قعدوا يبصوا الولد راح فين ااااه .. ده الولد راح يتعشر مرسمش اكل لينا وبيفكر فى نفسه ومش بيفكر فينا الكلب والقطة قالوا نستنى مش ممكن الولد هيسيينا مناكلش طول ليلنا اكيد الولد بعد ماياكل هيجيب الريشة ويجلنا على أى حال .. نستنى لكن الله ده الولد مجاش بصو عليه الكلب قال ازاى كده ده الولد نام من غير بقول لماما وبابا تصبحوا على خيروالقط قال هو بس ده اللى مزعلكده مجاش ورسم اى اكلة لينا ده مفكرش فينا مسالش عننا لكن لا الولد عمل ايه شال الغطا من عليه وقام الكلب قال للقطة حرام علينا شوف الولد جاى اهو واحنا اللى فاكرينه مش بيفكر فينا الولد حط الريشة فى الالوان ياترى رسم ايه ياخبر ياخبر رسم فى الكراسة حاجة كبيرة نازلة منها المطر الكلب صرخوقال انا قولت الولد ده مش بيفكر فيا رسم المطره نازلة عليا من غير مايرسملى شمسية والقطة قالت للكلب الحقنى الحقنى الولد سابنا ونام المطرة هتغرقنى والاتنين قالوا نسيب كراسة الرسم لغاية ماالمطرة ما تخلص نطت القطة من الكراسة والكلب وراها نزلول على السجادة مفضلش فى صفحة الرسم الا المطر نازل والكلب والقطة دخلوا تحت السجادة ادفوا وناموطلع النهار صحى الولد راح المدرسة قال لمدرس الرسم هتشوف الرسم اللى رسمته وهتفرح بيا رسمت كلب ورسمت قطة فتح المدرسة كراسة الرسم ماشافش كلب ولا قطة زعل المدرس من الولد الولد مستغرب هو حصل ايه لما رجع البيت مشى على السجادة سمع اللى بيقول مين ده اللى بيدوس على ديلى الولد شال السجادة ساب الكلب وشاف القطةالولد قالهم ازاي تسيبوا كراسة الرسم حرام عليكم كده الكلب والقطة قالوله حرام علينا ولا حرام على اللى بيفكر فى نفسه ولا يفكرش فينا وعرف الولد غلطته وعاش فى دنيته زى مابيفكر فى نفسه يفكر فى غيره توته توته فرغت الحدوتة حلوه ولا ملتوته ؟ .
