سارة و ادم يتعاركون كل يوم!
سارة : لك لعبني وياك بالسيارة مالتك
ادم : انتي بنية ميصير
سارة : ماما تعالي شوفي ديضربني
ادم : اصﻻ ماما تحبني اكثر منج
سارة : ﻻ ماما تحبني اني اكثر وهسه نسالها و نشوف
سارة : ماما منو تحبين اكثر اني لو ادم؟
اﻻم : حبايبي احبكم انتو الثنين
انتي بنتي اﻻمورة
وانت ابني الرجال
سارة : كوم اشتريلي بسكوتة
ادم : ما اريد
سارة : طيب كوم وياية اني اريد اروح اشتري
ادم : روحي وحدج مااريد اروح اني
سارة : اي اصﻻ رايحة وحدي ومارح اشتريلك
ادم : اي و اصﻻ من ترجعين ماالعبج وياية
اﻻم : وين اختك؟
ادم : راحت تشتري بسكوتة
بعد عشر دقائق
صوت قوي
يمكن قنبلة
يمكن قذيفة
فتح الباب
من بعيد اكو واحد واكع بالكاع
واكو ناس مجتمعين عليه
تقرب شوية
بنية صغيرة
ما باوع على وجهها
باوع على ايدها
جان اكو بسكوتتين
وحده اله و وحدة ثانية الها
كعد يمها وامها تصرخ
وهو ديباوع على البسكوتين
غمض عيونه وتقرب على اذنها
بسكوتة الج و بسكوتة الي
باوع عليها نزلت دمعته البريئة دمعه من قلبه
دمعه ع اخته
ماما اختي ليش ماتكعد!
اﻻم : اختك نامت ... نامت و ما تكعد بعد
اختي كومي كومي
ﻻ تنامين
اريد العبج وياية بالسيارة
ﻻتزعلين مني ﻻن مارحت جبتلج بسكوتة
كومي وبعد مانتعارك ابد
ماما وين اخذوا اختي؟
اﻻم : اختك هسه صارت بالسما
ركض وراهم
للي اخذوا اخته
لزم ايدها
اوكف عمو اوكف
عمو ﻻ تاخذ مني اختي اوكف
عمو اريد انطيها اللعبة
وصل لقبرها
دا يدفنوها
كشف عن ايدها و وجهها
حط بايدها سيارته الي تحبها
وبالايد الثانية البسكوتة
باسها بوسة كاعد يودعها بيها
اني زعلت منج
انتي رحتي مثل ماراح بابا
كلتلج انو ما راح اضربج ورح العبج وياية
بس انتي رحتي؟؟
اني احبج هواية
وكولي لبابا اني اشتاقيتله كومة واني احبه اوك؟
في وطني يموت من ﻻ يستحق الموت على يد من ﻻ يستحق الحياة
سارة : لك لعبني وياك بالسيارة مالتك
ادم : انتي بنية ميصير
سارة : ماما تعالي شوفي ديضربني
ادم : اصﻻ ماما تحبني اكثر منج
سارة : ﻻ ماما تحبني اني اكثر وهسه نسالها و نشوف
سارة : ماما منو تحبين اكثر اني لو ادم؟
اﻻم : حبايبي احبكم انتو الثنين
انتي بنتي اﻻمورة
وانت ابني الرجال
سارة : كوم اشتريلي بسكوتة
ادم : ما اريد
سارة : طيب كوم وياية اني اريد اروح اشتري
ادم : روحي وحدج مااريد اروح اني
سارة : اي اصﻻ رايحة وحدي ومارح اشتريلك
ادم : اي و اصﻻ من ترجعين ماالعبج وياية
اﻻم : وين اختك؟
ادم : راحت تشتري بسكوتة
بعد عشر دقائق
صوت قوي
يمكن قنبلة
يمكن قذيفة
فتح الباب
من بعيد اكو واحد واكع بالكاع
واكو ناس مجتمعين عليه
تقرب شوية
بنية صغيرة
ما باوع على وجهها
باوع على ايدها
جان اكو بسكوتتين
وحده اله و وحدة ثانية الها
كعد يمها وامها تصرخ
وهو ديباوع على البسكوتين
غمض عيونه وتقرب على اذنها
بسكوتة الج و بسكوتة الي
باوع عليها نزلت دمعته البريئة دمعه من قلبه
دمعه ع اخته
ماما اختي ليش ماتكعد!
اﻻم : اختك نامت ... نامت و ما تكعد بعد
اختي كومي كومي
ﻻ تنامين
اريد العبج وياية بالسيارة
ﻻتزعلين مني ﻻن مارحت جبتلج بسكوتة
كومي وبعد مانتعارك ابد
ماما وين اخذوا اختي؟
اﻻم : اختك هسه صارت بالسما
ركض وراهم
للي اخذوا اخته
لزم ايدها
اوكف عمو اوكف
عمو ﻻ تاخذ مني اختي اوكف
عمو اريد انطيها اللعبة
وصل لقبرها
دا يدفنوها
كشف عن ايدها و وجهها
حط بايدها سيارته الي تحبها
وبالايد الثانية البسكوتة
باسها بوسة كاعد يودعها بيها
اني زعلت منج
انتي رحتي مثل ماراح بابا
كلتلج انو ما راح اضربج ورح العبج وياية
بس انتي رحتي؟؟
اني احبج هواية
وكولي لبابا اني اشتاقيتله كومة واني احبه اوك؟
في وطني يموت من ﻻ يستحق الموت على يد من ﻻ يستحق الحياة
