قصه شاب في زمن الطاغيه صدام حسين

[ابو مناف البصري]

قصه شاب في زمن الطاغيه صدام حسين

كلما اصعد سيارتي واطلع لشغلي وافوت من سيطرة واشوف هاي الحثالات اللي لابسه بيريه حمره وكاتب على صدره رجال المهمات الصعبة وتشمر عل عالم ومخلين الازدحام واصل لبو موزه
اتذكر هذا الموقف اللي صار وياي
فد يوم من الايام جانت عندي مقابلة خاصة ويه صدام حسين وموعد المقابلة جان ساعة 11 صباحا اخير يوم من شهر رمضان حتى يعفيني من خدمة العلم لان انا الوحيد لامي وماكو غيري زلمة بالبيت....
وجان الاعفاء من الخدمة العسكرية كلش قرار صعب ويحتاجله بخت مال واحد سيد لابس تلث محابس وبينه وبين الله علاقة مال واحد مايستلم راتب رفحاء ومامكظيهه كلاوات
والله رحت للقصر الجمهوري حسب الموعد وصار وقت المقابلة وجان واحد مقدم واكف بالباب وجان يصيح امير محمد تفضل سيادة الرئيس يدعوك لمقابلته واجه دورك تفضل
قبلها انطوني تعليمات شلون اتكلم مع سيادة الرئيس باادب واحترام ولازم استخدم مصطلحات وطنية وعشائرية واكدو عليه لازم يكون كلامي رزن وكلام مال واحد عراقي مضبوط واخو اخيته
والله دخلت لغرفة صدام حسين بس شلون دخلت والله ماادري ...كلبي يدك و وصل لبلعومي من الرهبة والخوف وشلون راح اباوع بعيون صدام وشلون راح احجي
ولله دخلت و وصلت قريب من يمه ...هو كاعد عل مكتب ويكتب .....
طولت كتابته تقريبا 3 دقائق خلال هاى ال 3 دقائق انا نشف ريجي ولساني لزك وكوة شايلتني رجليني من الخوف والصيام ...شراح اكول وشراح اسولف اذا صدام رفع راسه
ومااحس الا صدام حسين دك عل ميز بالقلم و يكول هااااا اموري خير شعندك اليوم .....
هي دكة قلم عل ميز هو كال اموري كل اللي حسيته الم براسي والجمجمه احسها انفطرت وحروره نزلت بين زروري .....
ومااحس الا وانا نايم بغرفة والمغذي مشدود بيدي وجهاز التنفس بحلكي وامي فوك راسي ادك وتطلم بس اسمع راح اوليدي...
والله فتحت عيوني هاي انا وين اجابني هنا شكو
الممرضه رئسا جاوبتني حمدلله على سلامتك يابطل عمك دزلك هدية الف دينار وهذا كتاب اعفائك من الخدمة
الممرضة حلوة وصاكه وحيل عجبتني وكلت هاي فرصة اتزوجها بالالف دينار واضرب عصفورين بحجر والفرحة تصير فرحتين
كلتلهه لا...مع الاسف جان بنفسي ماانعفي من الخدمة وجان عاجبني اروح مظلي قوات خاصة.....
بس للاسف السيد الرئيس قبل طلبي لخاطر امي...
بهاي الاثناء زحفتلهه و لزمت ايدها لان كلش عجبتني بيضه واصابعها طوال ....كالت تدري انا منو ...كلتلهه انتي ملاك الرحمة ..كالت خوش قندرة ولك ياملاك الرحمة ولك يااثول انا طبيبة برتبة رائد زوجة المقدم اللي دخلك على صدام حسين وبسببك انحرمت العيد وصار 3 ايام مكابله خلقتك الزفرة اتانيك اشوكت تصحى يريد يصير مظلي ابو بوله

 

[عطري وجودك]

رد: قصه شاب في زمن الطاغيه صدام حسين

موضوع رائع
تسلم الأيادي
ربي يعطيك ألف عافية
لروحك الفرح.​

 

[سعد العراقي راقي]

رد: قصه شاب في زمن الطاغيه صدام حسين

شكرا لجهودك
تحياتي لك

 

[صوُتْ آنثوّيْ]

رد: قصه شاب في زمن الطاغيه صدام حسين

سلمت يديك ع عطائك..
مانحرم منك يارب..

 

[قيصر الحب]

رد: قصه شاب في زمن الطاغيه صدام حسين

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[نور بانو]

رد: قصه شاب في زمن الطاغيه صدام حسين

جزاك الله الف خير على هذا الطرح القيم
وجعله الله فى ميزان اعملك ....

دمت بحفظ الرحمن ....