قصيدتي للسيدة فاطمة العليلة عليها السلام^^ حصريآ فخامه العراق^^

[آحہسہآس آلشہؤق]

اعاتبكم ودمع العين سچاب
رضيتو اشلون بالفرگه يالاحباب
اعاتبكم يمن رحتو ومشيتو
وبحال العليله ما دريتو
بعدكم ما حله عيشي ولا طاب
رضيتوا شلون بالفرگه يالاحباب
...
سؤال وبالي كل لحظه يعيده
شغل فكري وجوابه اليوم اريده
ٱنه شسويت عفتوني وحيده
شنو ذنبي واظل عنكم بعيده
فرگتكم هلي تصعب عليه
وٱنه زغيره ولا احمل اذيه
اسألكم واريد اليوم الجواب
رضيتوا شلون بالفرگه يالاحباب
...
ثگيل فراگم ماليه حيله
عفتوني ولا چني العليله
ويله من الهجر دلالي ويله
وحسراتي ولا تخلص طويله
عليله الروح بغياب التحبهم
تريد تروح ما تندل دربهم
اظل امناطره وعيني عله الباب
رضيتوا شلون بالفرگه يالاحباب
...
بت حسين آنه وضايع دلالي
وحالي بالبعد ون اعله حالي
حلالي النوح بالفرگه حلالي
وحشه خلافكم يهلي الليالي
ادور وينكم يهل الحميه
ولا واحد سمعني ورد عليه
الهجر مو من عوايدكم يالاطياب
رضيتو شلون بالفرگه يالاحباب
...
اعاتبكم يمن كل روحي بيكم
واتمنه لون هالساعه اجيكم
المريض ايطيب لمن يعتنيكم
عليله يا هلي مدولي اديكم
تطيب الروح لو رديتوا الهه
يهنيال التعيش ابين اهلهه
هنياله البشم من عدكم تراب
رضيتو شلون بالفرگه يالاحباب
...
يمرني الليل جايبلي صوركم
الهوه لو مر عليه اشتم عطركم
احبكم يا هلي والله احبكم
واعاتب بلكت اعتابي وصلكم
روحي معلگه وتدرون بيهه
عجيبه ما وصل يمكم بچيهه
ظلمه سنين صارت والعمر ذاب
رضيتو شلون بالفرگه يالاحباب
...
احس بالكون مختل كل نظامه
نجم ما يضوي بيهه ولا علامه
بعدكم دهري صوبني بسهامه
ولا راحه تصح لي ولا سلامه
ليل نهار ما يبرد غليلي
من راحوا هلي هدولي حيلي
اخافن لو طحت تفزعلي الاجناب
رضيتو شلون بالفرگه يالاحباب
.....
بقلمي

 

[تاج النساء]

رد: قصيدتي للسيدة فاطمة العليلة عليها السلام^^ حصريآ فخامه العراق^^

كلمات .تفوق الوصف

سلم يراعك...الفذ

.
قلم باذخ بالعطاء
راق لي جمال نثرك
ودي

 

[قيصر الحب]

رد: قصيدتي للسيدة فاطمة العليلة عليها السلام^^ حصريآ فخامه العراق^^

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحك

 

[جَوُگلَيـےتُهِہ‏‏]

رد: قصيدتي للسيدة فاطمة العليلة عليها السلام^^ حصريآ فخامه العراق^^

كلام جميل
عاشت الأنامل الذهبية
مننحرم من ابداعك

 

[الشيخ]

رد: قصيدتي للسيدة فاطمة العليلة عليها السلام^^ حصريآ فخامه العراق^^

السلام على الحسين وعلى اولاد الحسين وعلى اصحاب الحسين

احساس الشوق
جزاك الله كل خير

 

[رافد البغدادي]

رد: قصيدتي للسيدة فاطمة العليلة عليها السلام^^ حصريآ فخامه العراق^^

عظم الله لك الاجر والمثوبة اخي الفاضل

رثاء من عيار الاستعاره الرمزيه عن المتحدث

رصفت مشاعرا حزينه ..

فكنت بارعا في التوصيف

سلاما عليك يا سيدي ابا الاحرار


ولك شكري اخي الكريم

 

["شہــاه زنـــان"]

رد: قصيدتي للسيدة فاطمة العليلة عليها السلام^^ حصريآ فخامه العراق^^

عظم الله لكم الأجر
و
جزيت الجنه بكل حرف خطتها أناملك بحق اهل البيت

طيب الله انفاسك أخي المحترم

 

[أنين الروح]

رد: قصيدتي للسيدة فاطمة العليلة عليها السلام^^ حصريآ فخامه العراق^^

عظم الله اجوركم


كلمات رائعه


دمت متميز دائماا

 

[عديل الروح]

رد: قصيدتي للسيدة فاطمة العليلة عليها السلام^^ حصريآ فخامه العراق^^

حرفك جميل
وصفك رصين
سطرك رائع بكل تأكيد
كتبت فأجدت الكتابة
ورسمت لوحه بالحزن وهاجة
أبدعت بما خط قلمك سيدي
تقديري لروعة حرفك
تحياتي

 

[كيان الم]

رد: قصيدتي للسيدة فاطمة العليلة عليها السلام^^ حصريآ فخامه العراق^^

تتلعثم حروف أبجدياتيّ
أمام روائع بوحك الساحر
ترحلتُ بـ طيفيّ
بين أعماق البحار و سحابات السماء
بحثا عن رد يليقُ بـ رقيّ حرفك
فـ كان من كونيّ كل السكون
أهديك بـ مداد البحار
و أنغام هدير الأمواج
أجمل الأمنيات
لك وعظم الله لك الاجر
بمصاب ابا الاحرار
وننتظر جديدك

​