قصيده للملاعبود الكرخى (قيم الركاع)!!!!!!

[الشاعر الرياضي]

السلام عليكم
قصيده تراثيه للملا عبود الكرخى الذى سمى بامير الشعر الشعبى العراقى





الف رحمة تنزل عليك يا ملا عبود الكرخي
من قبل 70 سنة كتب هذه القصيدة عن البرلمان
والى الان ترهم
يا سبحان الله
كأنها مكتوبة اليوم





قيم الرگاع من هاي اللحه
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ


برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ


اتشوف واحدهم امعگل بالوقار
وبالاصل تاريخه اسود كله عار
ابضرف ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ


گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ


والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك حيل دچ
قيم الرگاع من د يرة عفچ


حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ


گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ


يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ


لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة عفچ

 

[اميرة]

رد: قصيده للملاعبود الكرخى (قيم الركاع)!!!!!!

الله الله عليك يامبدع على الذوق والاختيار المميز شكرا الشخصك الغالي دمت بكل خير ابو مصطفى العزيز

 

[حكاية روح]

رد: قصيده للملاعبود الكرخى (قيم الركاع)!!!!!!

شكرا للدعوة عمي
قصيدة رائعة شكرا لك
ولحسن اختيارك

 

[الشاعر الرياضي]

رد: قصيده للملاعبود الكرخى (قيم الركاع)!!!!!!

تسلمى يلغاليه
تسلمى عمو العزيزه
كم يفرحنى تواجدج المميز

 

[الشاعر الرياضي]

رد: قصيده للملاعبود الكرخى (قيم الركاع)!!!!!!

ذ 40 دقيقة

ز​

تسلمى عمو
تسلمى يلطيبه
الف شكر الطله الحلوه

 

[زيكو جريمه]

رد: قصيده للملاعبود الكرخى (قيم الركاع)!!!!!!

هذااااا واقع الحال بالوصف الدقيق وللاسف
عاشت ايدك ابو مصطفى الورررد

 

[ابن العراق المجروح]

رد: قصيده للملاعبود الكرخى (قيم الركاع)!!!!!!

j-(j-(j-(شاقول قليل كلش صدقني كل الكلام المكتوب بالقصيدة كانه مكتوب الان الوضع مثل ما هو من 70 سنة .... الله الله الله سلمت يمينك على هذه التحفة الفنية ... والى مزيد من هاي التحف ... بارك الله بيكj-(j-(j-(

 

[الشاعر الرياضي]

رد: قصيده للملاعبود الكرخى (قيم الركاع)!!!!!!



تسلم عمو زيكو العزيز
وهاى قبل سبعين سنه طبعا
يعنى التاريخ يعيد نفسه
ياربى شلون بالعراق وتاليها شنو
ومنو الى مستفيد
على كل حال
شكراا عمو زيكو حضورك الجميل

 

[الشاعر الرياضي]

رد: قصيده للملاعبود الكرخى (قيم الركاع)!!!!!!

ابن العراق المجروح


ربى يسلمك يلغالى
الف شكر الطله الحلوه
اسعدنى تواجدك

 

[F I R A S]

رد: قصيده للملاعبود الكرخى (قيم الركاع)!!!!!!

عاشت ايدك عمي ابو مصطفى
والله اليوم حال العراق يبكي و يرثى عليه
الله يعينا و يصبرنا ع ما احنه عليه
جزيل الشكر عمي الغالي